冇幾耐個女人就醒返~

「到底頭先邊個行過嚟?」我質問佢。

唔通啊婷都見到啲嘢?

個女人手指一指十字架型頸鏈~

啊賢嘗試解釋『啊婷妳醒返就好啦,頭先我地真係唔知點算!我地同外界斷晒聯絡。』



『啫係點?咩意思?』

個女人又扮無知,最憎佢仲要扮晒可愛咁~

我忍唔住出聲「你暈左果陣,我地試過落山,點知冇左條路。試過報警同打俾屋企,但係可以接通既就只有我地幾個嘅電話。」

佢低頭諗左諗~

『而家我地冇得回頭,向上行係唯一嘅方法。不過Mika , 點解你要咁憎我?呢件事係要而家解決。』



我再忍唔住自己嘅怒氣~

「點解?仲有點解嘅咩?你自己做過咩你自己好消楚嘛!!」

啊婷搖左下頭『我係對唔住過啊燁,但係你地而家唔係好好咩?』

「就係因為你拎人地既感情嚟玩!!啱啱玩正果個就係我細佬。」

佢又好疑惑咁望住我『邊個係……』



個女人講完之前,我打斷左佢~

「就係俾你搞到自殺果個!!知道我點解咁憎你未?」

講完之後個女人再冇出過聲~

擺左個想喊咁嘅樣出嚟~

夠啦!!

又扮可憐啦,真係廢事同佢講嘢。而家冇人幫佢啦,咪睇下佢點囉~

我一定要為細佬攞返個公道。