「死臭禧!行啦,仲掛住影。」小燁佢吼禧抱怨。

啊禧回答『行山都唔影咁幾時影呀?返學校影咩?』

見到小燁無奈咁等啊禧~

過左十分鐘到先再出發~

「喂!睇下。」小燁手指向荒廢已久既建築物「不如入下去?」



外牆睇落去已經好恐怖~

瘀血色既外牆,被破壞既冷氣機,散落一地既雜物。

就算而家企喺小燁後面都覺得裏面有人望住我咁~

一種唔受歡迎既感覺!!

成個人都起晒雞皮~



『等我影低佢先!!』啊禧拎出相機『咦!部機做咩?點解㩒左都冇反應架?』

下…… 唔係掛…

「唔係掛,我用電話影啦。冇鬼用。」小燁喺褲袋拎出電話嘗試「死啦!!點解部電話咩反應都冇架?仲要冇晒訊號既。你點呀?」

『我果部都係呀!快啲走啦!!』啊禧好驚咁答。

好快佢地就離開左果度,仲越行越快~



小燁先開聲「好彩朝早炸,咁邪既。」

"邊個叫你地咁多事?"女聲

有個女仔企左喺佢地後面~

佢咪係果個女仔!!

「臭禧,你聽唔聽到?」小燁問

啊禧好驚咁講『聽到呀,聽到呀。仲有,頭先影果啲相全部都變晒黑色開唔返。』

小燁快啲走…… 不過我點叫佢都聽唔到…

而家就好似睇帶咁~~



「唔好理啦,而家沿麥徑行返出去。」小燁冷靜咁講。

以我所知,麥理浩徑應該都係大路嚟。事關我都跟小燁行過幾次。

但係小燁佢地竟然行左佢懸崖邊?

四周都仲要有麥徑標緻~

『冇理由架!!應該係大路嚟架喎。』啊禧講。

小燁指住山邊小路話「係果度架啦!你睇下,地圖都係咁寫。我個腦都係咁講。」

啊禧只好無奈咁跟住小燁行~



路上動物見到佢地都會好驚咁逃走!!

而佢地越行就見得越多墳墓,好似俾人帶住佢地咁。

『臭燁。唔對路喎。麥徑唔係咁架!』啊禧話。

唔係呀……

小燁冷漠咁答「係呢度架啦!上次我毅行者都行過。信我啦…」

總之都係果句……信我啦…