昨天的經歷使我疲憊不堪,幸好要買的都買到了,不然多少條命都不夠...不過說起來,我真的有這麼暖嗎?明明昨晚已經叮囑過伊語不要抱著我睡,但天光了卻依然是抱著我...可是呢,話雖如此,看著伊語睡得像個小女孩般,真的甚麼煩惱都沒有了。
 
 
「唔...咦?你起左身啦?」伊語突然說
 
「係呀,啱啱醒。」我說
 
「我一早醒左啦,不過張床好暖好舒服...所以唔想起身住...」伊語不好意思地說
 
 


說起來,平日上線等人或是等出團時我也喜歡用睡眠指令,這一點還真像啊。
 
 
「咁宜家醒左就起身啦...唔好壓住我...」我依然覺得有點尷尬
 
伊語有點想撒嬌的表情說:「唔...你暖呀嘛...」她慢慢坐起來,穿著新睡衣的她,看起來又有另一番性感味道...
 
「咦?有啲嘢頂住我大脾嘅?」伊語愣一愣續說
 
「唉起身食嘢啦!肚餓肚餓!」我嚇得立即坐起來...身體還真誠實...


 
 
我走到廚房找東西吃,發現只剩下數個公仔麵,看來是時候要去買餸了。
 
 
「伊語。」我走到洗手間,發現伊語正在刷牙:「妳唔係話無謂嘅咩...?」
 
「咁...入鄉隨俗呀嘛!」伊語邊刷邊說
 
「但係妳用緊我支牙刷...」我無奈說


 
「咁我無自己牙刷呀嘛...」伊語扁著嘴巴說,泡泡都從嘴邊流出來了
 
「算啦算啦...陣間我地去買餸,今晚煮飯。」我說
 
「買餸?即係買食材呀?好呀好呀!」伊語很期待說
 
 
於是,我們在家吃完早餐便走到附近的超級市場購物。
 
 
「我地要買咩呀?」伊語興奮問道
 
「日用品...乾貨...妳有無諗到啲咩想買?」我問
 


「有呀有呀!龍肉乾,白金梅菜同鐵樹汁!」伊語十分雀躍說
 
「仲有海草菇呢?無左點整樹汁白金意粉呀?」我說
 
「係喎係喎!」伊語笑著說
 
「不過依啲嘢我地依個世界都無...」我說
 
「仲諗住可以煮嘢比主人食添...」伊語失望說
 
「啊...做咩煮嘢比我食...」我有點不好意思說
 
「你買咁多嘢比我,又比地方我住,又照顧我,加上一直喺嗰邊嘅世界,其實都係主人保護我...我想報答主人!」伊語用認真的眼神看著我
 
 


看著她那雪亮的大眼睛...我的心跳不禁有點急起上來...
 
 
「一係咁啦,今晚我地一齊煮,我教你整我地依個世界嘅意粉。」我不禁回避視線說
 
「好呀!!」伊語開心得抱著我
 
 
四周的人頓時都用一個羨慕的眼神看著我...此刻我覺得自己甚有霸氣!Like a BOSS!在途人的不忿眼光下,我們把要買的材料都買好了。
 
然後,我們在快要天黑前回到住所大廈了。
 
 
大廈的保安見著我便放聲說道:「咦?流主!無見幾日拖條鬼妹返嚟呀!」
 


「吓...啊...係呀...」我一時間不懂回答
 
「介紹嚟識下啦!」保安瞇著眼睛笑說
 
「唔好玩我啦盧sir!咦,有Lift,行先行先!」我趁機借Lift遁
 
 
盧sir是大廈的保安隊隊長,平日也很喜歡跟街坊聊天。雖然他很友善,但是被他知道了的事,全個大廈都會很快知道...所以盡量都不想對他說太多......不過這也提醒了我要好好給伊語編個故事。
 
 
「好緊張呀!首先要點呀!」伊語興奮說
 
「著左條圍裙先,唔使整污糟個身。」我把新買給她的圍裙遞給她說
 
 


豈料,她接過圍裙後,竟然便脫起衣服來!!
 
 
「哇哇哇!妳妳妳做咩呀妳!?」光天化日之下,這斯竟然給我如此猖狂了!?
 
「啊?唔係著左條圍裙先咩?」伊語一臉無辜問道
 
「就咁著上面就得架啦...」小一點韌力也會被她的爆擊爆死啊...
 
「知道!」伊語把圍裙穿上續問:「咁之後呢??」
 
「拎晒啲嘢出嚟先,將啲草菇同香腸切開一片片。」我一邊把食材拿出來說
 
「唔係掉晒落火爐度就得嘅呢咩?」伊語有點吃驚
 
「邊有咁簡單,妳估打機咩...」我拿出菜刀說:「切嘢識唔識呀?我教妳先啦。」
 
「識呀識呀!」伊語接過菜刀
 
「小心啲呀...」我開始擔心了
 
「唏...唏...」伊語小心翼翼地把食材切開:「哎呀...呀!」果然還是切傷手指了!
 
「點呀點呀!痛唔痛呀?比我睇下!」我立即捉著伊語的手檢查著傷口
 
「牧師呢?牧師!」伊語看來很痛的樣子
 
「牧鬼牧馬咩!貼膠布啦......」我在藥箱左翻右翻:「頂,無消毒藥水添!唔...拎隻手指嚟。」我捉住伊語的手並用口把傷口的污漬和污血輕輕吸走
 
「好啦,貼膠布。」我拿出膠布,才發現伊語滿面通紅:「做...做咩面紅...我啜手指咋喎...」怎麼搞得我像在做壞事似的...
 
伊語含羞答答說:「...我地精靈族嘅血係魔法嘅泉源...精靈女皇話係好神聖架...唔可以亂咁比人掂到...」
 
「...故事咁樣設定先可以比個回魔速度加快嘅種族被動技能妳啫...平時打緊嗰陣啲血咪又係飛到四圍係...」我替伊語貼上膠布,續問:「仲痛唔痛呀?」
 
「少少啦...」伊語苦著臉說
 
「唔係喎...」我突然想起:「魔法師唔係可以整治療水晶嘅咩?...雖然無牧師嘅治療術咁好...」
 
「係喎!都唔記得左添!」伊語說著立即打開手掌,一道綠色的光接著慢慢滲出,此時一粒藥丸大小的綠色水晶漸漸形成。
 
「咁就得架啦?成粒模擬市民水晶咁嘅?」我十分好奇
 
「係呀!」伊語把水晶吞下
 
「就係咁簡單?」我有點驚訝
 
「嗱,睇下!」伊語把膠布拿下,向我舉起被切傷了的中指
 
「咪拎隻中指對住我...」不過,傷口果然消失了!我興奮地說:「又幾方便喎!整幾粒嚟旁下身啦!」
 
「唔得呀...每次最多整一粒架咋...要食左先可以再整過第二粒...所以最多只可以比到一粒你...」伊語有點為難的樣子說
 
「係嘅咩...」看來我要檢討一下沒血就只會喊牧師的壞習慣了...
 
 
這晚在伊語的幫助下我們煮了香草汁意粉,不知道是伊語對現實世界的食物感到新鮮還是對食物沒有要求,她無論吃甚麼都感到美味,這比不會煮飯但又要求多多的港女好太多了。
 
 
「好好食呀,主人跟邊個師傅學架?」伊語好奇問
 
「邊有咩師唔師傅...我阿媽教嘅...」我有點不想承認
 
「我又要學!」伊語興奮說
 
「我買書比妳學啦...」我問:「妳咁好學嘅咩?」
 
「係呀!我好鍾意學嘢架!就算對戰鬥無幫助嘅嘢,只要可以學我都會學!好似鍛造呀,草藥呀我都識架!」伊語微笑說
 
 
的確是啊...在遊戲中,即使是低等級的生活技能,只要可以學我都會學,算是個技能收集狂吧?...相對在現實的我卻甚麼都覺得沒有用而懶去學...真諷刺呢。