「喂,呀媽,我個頭點呀?」

「Okay啦,不過好似染到太黑,有d假……」

「唉是撚旦啦,咁件校服呢?」

「短身左d囉,你拉長佢啦!」

「唔拉呀!咁老土……嘩屌!就快七點半,我返學啦!」





「記得唔好講粗口呀,女!」

於是我就求求其其咩左個空蕩蕩既書包仆返去學校。
入lift個陣,樓上一向好憎我既肥師奶突然以一種奇特既目光望住我

「咦,你件校服好似唔同左既?」

「係呀,轉左校。」關你撚事咩肥婆,平時唔見你咁好招呼。

「哦?件校服係……」肥師奶哄個頭埋黎望我件冷衫,「妳轉左入威廉?!叻女喎!」





「哈哈,係呀。」趕時間既我只係想快d到大堂,然後搭地鐵。

「平時睇你咁新潮,睇唔出原來你都讀得下書……」

「Bye!」肥師奶未講完,架lift就到左大堂,於是我九秒九咁跑左去搭車返學。


上到地鐵,手機突然震左震。





【呀詩】:「喂,牙Kay!禾吾g梨今日反學dim牙,總g比<3機,加大油牙!完左搵梨唱K慶祝!」

雖然我轉左校,仍然無阻我同呀詩之間既友情。

「下一站,九龍塘……」今日,終於要迎接最大轉變既人生新一頁!


「妳就係夏子琪?」

「係……」

「妳好。我姓陳,係妳班主任,妳叫我Miss Chan就可以啦。」Miss Chan樣子睇上去相當年輕,估計係大學畢業冇幾年既新老師。Miss Chan留有一頭長長既黑髮,著住黑色連身裙、黑色高跟鞋同黑色外套……總之一身黑色。

雖然佢講野語氣聽落好似輕鬆和藹咁,但個樣卻一d笑容都冇。「Miss Chan,您好……」唔知點解,我覺得Miss Chan把聲好似曾相識,唔知邊度聽過咁。






「咁依家就快上堂,我帶妳先去課室,之後再叫班長帶妳認識下校園,好唔好?」

「哦,好呀……」

「咁妳跟住我去課室。」

威廉書院既校舍超級寬敞,有住傳統英式建築,紅磚牆身雖然刷得好乾淨,但望上去都可見有一定歷史。我望入沿途經過既課室,學生都已經入曬去坐好等各班既班主任,完全唔似我間武館中學咁,冇人聽書、準時入課室。


「Good morning class!」

「Good morning Miss Chan!」

我跟住班主任既步伐走入課室,所有同學既頭髮都係黑色既,而且件校服仲相當整齊,叫敬禮個陣竟然真係會全部人都起身,對於我呢個武館中學出身既人黎講簡直係奇景。





「好啦各位同學,呢位係今日插班黎我地學校既新同學,夏子琪。夏同學,妳不如同各位介紹下自己呀!」

望住成班同學,個個都冇笑容,對我既插班顯得毫不興奮。
既然係咁,唯有講d令人精神為之一振既自我介紹!


「大家好!我係夏子琪,大家可以叫我呀Kay!不過千奇唔好叫我唱《囍帖街》呀!」

點知一講完,全班靜曬,樓下小巴減速行駛。
唉,屌……開場白太爛,柒左。


「夏……夏子琪?!」突然間,課室後排有個男仔嚇到挺直身,好細聲咁講左出黎,由於課室當時好靜,所有人都聽到即刻望住佢。





「陳健星,你識佢架?」

「哎?原來係你朋友,咁就好相處得多啦!」另一個男仔即刻笑曬咁拍佢膊頭。

「朋……朋友?」我一望過去,係一個似曾相識既面孔,但一時之間諗唔起佢係邊個。

「夏子琪,妳竟然……!」

我?我識得佢架咩?


「妳就係格林中學中五乙班既夏子琪同學?」


「你係……比比鳥?!」但奇怪既係,點解比比鳥個look一d都唔比比鳥架呢?
已有 0 人追稿