我叫做阿B,係一個肥柒毒既中學生係學校基本上係無乜人識個隻,只不過我有班好知己陪我呢條小毒撚陪我一齊傾下計打下機咁樣,日子都過得唔錯既。 

持續左一個月全級留堂出席率最高既記錄保持者,放學基本上唔洗睇留堂紙都知道自己要留堂,次次放學既時候班同學仔都會暗串我係到話唔知今日邊個要留堂呢,真係難聽過粗口,其實我覺得留堂就無乜野既,點解人地學校又係留一個鐘我地又係留一個鐘點解我留堂既時候會特別辛苦,人地留堂就係自修做自己野,點解我地間學校咁垃圾要抄1600字仲要話乜野字體端正,大拿拿成1600字仲要字體端正,依加書法比賽咩抄得咁好有獎品咩,抄得唔端正仲要抄多400字,到底呢間乜野學校黎。 

次次留完堂我都去到5:05分都係自己一個走,我望住街上面一對對,真係好葡萄由於我學校旁面係一間女校,因此我走個時都有唔少既女學生係條街到,我只好行慢少少係佢地左面令到人地望過黎以為我地係一對,重擭返自信心咁樣囉。  
由於我個間學校係一間佛教既學校,因此我修科目既倫理同埋電腦由於我既主科係佛教學校先有,因此其他學校都應該無倫理呢一科讀,所以有人問我修咩科既時候,我都只會回答佢地理科啊,商科啊咁樣,總之唔係倫理就得啦。 

我個班得三個女仔,成十幾個麻甩佬完全唔平均,加上我地學校既女仔質素唔多掂,所以我地學校既男仔都特別DRY,所以我次次返到學校既話題都走唔甩討論旁面女校既女同學,因為旁邊既女校高FORM大部份都係靚女,而我同我班同學只得中三,所以只能夠遠觀而不能夠認識他們,因為我們年紀都比較少,所以都比較害羞,只係敢係背後講邊個女仔正,而唔敢係個女仔面前讚佢靚女,每個中學生都好期待小息同埋放學,但係我地就唔係,我地期待既係放飯既時段同埋放學既時段,因為可以見到旁邊女校既高FROM靚女,放飯既時候我地班男同學就話喂等陣去邊到睇女,我地放飯既定義係去邊到睇女而唔係真係想講去邊到食飯。 



已有 0 人追稿