[真人真事][新手]我和女神的故事: 2
今日係星期五，星期五對於我黎講唔會太過開心因為星期六，星期日就唔能夠見到我旁邊女校既高FORM姐姐，其實我有啲後悔買智能電話眼見別人用住Whatapps同朋友傾計而我這個小毒撚，長期開住Whatapps都無人搵我，越望越傷心。
唔知點解我覺得今日成個人特別有動力，好想專心去聽書，抄低老師所講既說話Mark低重點，出名上堂訓覺，留堂次數全校最高既同學，竟然會專心上堂同抄野，有同學問我係咪識到女仔因為覺得我既表現完全出乎意料之外，話明小毒撚又點會識到女仔呢硬係覺得佢地好似中傷我咁，連老師都問我『喂 啊b，識左女朋友啊？咁勤力既你今日。』我苦笑咁講『邊有呢 咪玩我啦陳sir』。
陳Sir係我最尊敬既老師，他不但教我數學同時都係我既班主任，敬師卡基本上都係寫佢個名，我同佢關係，唔係老師同學生咁簡單可以話我地兩個係好朋友，因為我地兩個都會分享對方既趣事，甚至連六合彩買咩號碼都會問一問我，係我最灰既時候，完全放棄學業，其他老師都放棄左我，只有陳Sir會咁落力去關心我，教返好我，呢一點就係尊敬佢既原因。
今日係星期五，我地學校逢星期二同星期五都會放得特別早放3點05分，今日只有八堂，唔經唔覺已經去到第五，六堂，今堂係上英文堂，由於我地英文老師係新黎，所以我地班既同學都無乜同佢溝通，佢有佢既講書，我有我上高登睇文，完全無聽過佢講書，不過今日特別有動力上堂所以都膚淺寫下字咁啦，仲有五分鐘就放飯，可能係就放飯既關係心情特別興奮。
五分鐘過後。。。。。。 基本上，我地每次出去食飯都有成十個左右，關係特別好既有啊傑，啊明，啊俊，啊奇，呢五個人都係經常同我打機既五個人應該都算係好朋友黎既，打鐘放飯既時候我就同佢地講，喂快啲出去啦，出到去再傾食咩啦屌你地 時間唔等人啊知無？啊俊：你條肥西係咪睇少陣女會死架？我：咪理啦 出左先講。
旁邊女校放12:40分 我地就放12:45分 所以我地兩個學校都算係幾夾。
我同佢地講『喂 睇下門口個條女 對腳幾拎正 又白又滑 』
佢地就同我講『收皮啦咸濕仔』無可否認天下間有邊個男人係唔咸濕，唔咸濕只能夠說佢係聖人。
我『對面個女仔望住我笑啊 媽啊 我覺得我戀愛了』
佢地五個完全無視我就走左去。。。。。。。。。