[真人真事][新手]我和女神的故事: 5

就算我聽完佢地岩岩所講既說話，應該算係安慰掛，但我都無心上堂，一直都係到諗緊自己會唔會有機會再撞返佢，好後悔自己無問到佢拎電話，第一堂至第六堂我都一直訓覺，小息個時連早餐都無胃口食，留返係班房上高登睇下文，試下分下心結果完全行唔通我就繼續躺著桌子上休息雖然班房真係好嘈，但我無理到強行迫自己訓覺。 

話咁快就到左第六堂，我係夢中一直Loop著佢甜美既笑容，溫柔既聲音。 

有位女同學叫我起身『打鐘啦，仲係到訓覺，啊Ｂ～』呢把聲。。。實在太溫柔我唔敢相信我既耳仔，我起身望下原來係啊善，啊善外表都唔差既只不過係比較文靜有啲悶姐，由於佢太文靜，自從開學到依加我都未聽過啊善出過聲，估唔到原來啊善把聲都幾嗲幾溫柔。。。。 

啊傑佢地聽到啊善對我講既說話，就走埋黎用埋好柒既聲講『打鐘啦，仲係到訓覺，啊Bbbbbbbbb』呢個B字特別高音，所以我覺得好嘔心。。 

啊善就用把嗲聲講『好衰架你地之後跑左出門口』 



我好無奈只好望住啊傑佢地笑。。 

『係喎！』我突然彈出呢句說話 

啊傑『咩料啊又？』 
啊明『又傻撚左啊？』 

我『屌你地　做乜鳩打鐘唔叫我，咁我點見女神一面？你地係咪有心玩野』 

啊俊笑住話『定啲黎，依加先十二點搭十唔驚啦』 



我就講『拿拿聲出去，食吉野家！！我要見女神一面』 

然後我就跑左出去無理到佢地。 

啊奇就話『慢慢行啦，咁急做咩姐，你咁快去到見到女神又點姐咪又係淆底唔敢出聲』 

我無理到啊奇講既說話，由於我班房係四樓，所以我就跑左樓梯落去，呢次係我第二次跑步。。。。。




呢次跑步係我人生中跑得最快既一次，當我跑到去籃球場既時候，我望一望上面發現佢地仲係三樓，佢地望實我，我心諗今次仲唔比我型返次？原來世事無咁完美。。 

佢地就大聲講『你條毒撚到左下面，咪又係要等埋我地』之後係到大笑 

引黎學校一半既人望住我，個時既場面真係好尷尬，我塊面紅到好似一個番茄咁行左出去門口等佢地，佢地過左一分鐘都仲未落到黎，我覺得時間過得好慢好慢真係好慢可能係我岩岩柒左次既關係我想拿拿聲出門口，食完飯希望忘記岩岩發生過既事情。過左五分鐘佢地落到黎啦，我『快啲啦你地四個站長』 

可能佢地比我既誠意打動左，佢地陪我一齊急步行過去吉野家，一到去我就一到希望，一定要比我見到女神既一面。 
我同啊傑講『今次一定要勇敢去問佢拎電話唔可以再退縮』 

啊傑笑住咁講『好啦支持你啦！』 

話咁快就到左吉野家，我好失望咁講『我見唔到晴晴啊，對唔住要你地陪我急步行出黎。。』 

啊傑話『咪咁老土啦，我地講呢啲既咩，買野食先啦』 



我笑住咁話『咁你幫我買啦，都係和風牛肉飯，可樂少冰　要多個牛肉汁』