[真人真事][新手]我和女神的故事: 6

我抱失落既心情照舊搵返我地上次坐既位，我見佢地咁耐都未買到返黎，我只好打開我既手機，我出奇地發現竟然有個人Whatapps我，但個個號碼我從來未見過，張Icon係Kobe Bryant，相信用咁既頭像應該係個男人掛。。所以我無理佢 

話咁快，佢地就買左返黎，我馬上倒上我既牛肉汁落個飯到搞一搞，食左幾啖，無乜心情食落去，好想喊出黎，點解想搵既時候就搵唔到女神。。。正當我好頹既時候，我望到門口一眼，發現係晴晴。。佢著住一件T-shirt,熱褲加對波鞋，佢對腳真係好白好滑，佢見到我走埋黎話『喂 啊BB 你又係到既』 

佢地細細聲『下？BB?我有無聽錯 佢叫條毒撚做BB?』 

我話『晴晴，我叫啊B阿，唔好叫錯啦你，諗住過黎撞下你嘛，本身撞唔到你都有啲失望架啦哈哈。。。』 

晴晴笑住講『你口花花啦你 哈哈，今日我唔洗返學啊，經過見到你咪入黎同你打個招呼，係呢做咩食咁少野既，減肥啊你？』 



我話『唔係阿，我想休息一陣先食之嘛』其實係我見唔到晴晴無胃口，但見返佢心情特好。。 

晴晴話『係呢我想食舊牛』 

正當我講『我食過........架』 

未講到架字佢就食左仲飲左啖可樂 

晴晴『多謝你啊 哈哈，係呢我要去學結他先啦』 



我立即同晴晴講『可唔可以比你電話號碼我？』 

晴晴『無咁易哈哈，再見到先算啦，話唔定我問返你拎電話號碼呢』 

我覺得有啲奇怪，不過算啦，佢咁樣講我應該仲有機會拎到佢電話號碼既。 

我『係呢，晴晴你係咪好鍾意食吉野家？』 

晴晴『係啊，特別係和風牛肉飯，可樂少冰，再加個牛肉汁』 



我『估唔到我口味同你一樣喎，唔通你跟我風？』 

晴晴笑住『好啦 快啲食野啦你仲要返學架，我走先啦，下次見』 

又係呢一個笑容。。真係好甜。。。 

啊傑佢地『估唔到女神佢主動搵你喎，你條死毒撚又幾好彩』 

點都好啦，我覺得晴晴主動搵我，應該當我朋友掛？ 

突然手機係咁震。。。。