[真人真事][新手]我和女神的故事: ９

落到樓下，我從未見過依晴紮馬尾，加埋佢既平陰，真係好可愛 

依晴笑住咁講『快啲啦，啲野食就快凍架啦，凍左就唔好食架啦』 

我馬上跑過去，呢一次係我為左依晴，人生中第三次跑步，因為我既跑步而令到依晴驚訝。 

依晴驚訝地說『你身型係大份，但係又跑得幾快架喎哈哈』 

我同依晴講『廢事要你等咁耐之嘛，跑下活動下拉下根』 



依晴細細聲講『口花花啦你，拿比個香腸包你，係呢，你飲唔飲牛奶架？』 

我拎起個香腸包馬上食左一啖，依晴就話『洗唔洗咁快啊你，好耐無食野咩哈哈』 

我『牛奶都OK既，唔會話抗拒咁囉』 

依晴『咁就好啦，驚買左牛奶你唔飲』 

我『係呢依晴你唔食既，減肥啊？』 



依晴『你就減肥，你落黎個時我就食左架啦』 

我『不過你咁FIT，心口大，中間幼，對腳又長又幼』 

依晴怕醜細聲講『你可唔可以唔好咁。。死咸濕仔，一路行一路食啦，廢事一陣遲到』 

我地一直傾左好多野，關於對方，現時我知道依晴係11月24號生日，鍾意彈琴，打排球，睇人打籃球之類啦，我地行既時候有唔少同我同校既學生都望實我地，可能對於我同依晴返學感到驚訝，由於係咁比人望實，實在好唔自然好唔舒服，我就四圍望黎望去。。。。 

依晴『做咩四圍望黎望去啊？行路就望住前面，小心仆親啊哈哈』 



依晴『啊B，同你玩個遊戲啊，你試下同我對望鬥長時間，如果縮開既話，就有懲罰』 

我同意同依晴玩呢個遊戲，依晴『三，二，一，開始！』 

我認輸，依晴實在太靚太可愛。。。我唔能夠同佢對望到超過五秒鐘 

依晴笑住咁講『你輸左，要接受懲罰哈哈』 

我『懲罰係咩？。。。』 

依晴『依加諗唔到住，上堂再同你講』 

之後我地就分開左，佢行入左佢學校既門口，我都入左學校。 

由於我同依晴岩岩一齊行返學校，所以我入校門既時候都有不必要既眼光望實我，好似想打擭我咁。。。