我唔經唔覺行左成十分鐘都到左佢屋企樓下,依晴突然攬住我細細聲話『今日多謝你陪我同送我到屋企樓下,路上小心』 

呢一刻,真係特別開心。 

依晴行左入大堂門口,我轉身走既時候,後面有人話『喂,估唔到你條肥毒撚都有女神攬喎,睇到哂哈哈』 

原來係啊傑佢地,佢地咁齊人既。。。 

我『頭先佢有沙入眼,我幫佢吹之嘛,你地咁齊人既。。』 



啊明『岩岩一齊出完去,放心喎,返到學校實會爆出去』 

我『你地四個真係好仆街』 

不過,依晴攬住我個陣,個心真係跳得好快。。。 

返到屋企既時候,依晴Whatapp我『係呢,你返到屋企未啊』 

我『我岩岩返到啦,頭先你攬住我個時,比啊傑佢地見到』 



依晴『又會咁岩既,比佢地葡萄下你囉哈哈(面紅)』 

突然有另外一個人Whatapp我,又係一個未見過既電話號碼,佢同我講『喂,係咪啊B啊?』 

我『係啊,請問你係邊位呢』 

佢『我咪啊美囉,乜依晴無同你講我拎左你電話號碼咩?』 

我『無喎,做咩想搵我傾計? 』 



啊美『咪傻啦,下次同依晴出街約埋你之嘛』 

我『咁好關照啊,咁好啦,我沖涼先』 

依晴搵我喎,咁我緊係唔理啊美住,應左依晴機先啦 

依晴『食少啲啊你,係呢,你下個星期六得唔得閒?不如一齊打籃球』 

我『我要睇睇我既時間表喎(笑喊),你比左我電話啊美咩?』其實我日日都得閒,同佢開下玩笑咁 

依晴『我約你唔係可以打尖既咩(笑喊),係啊我比左你電話啊美,對唔住啊,無問過你就比佢(流左一滴眼淚) 

我『都係架哈哈,傻啦,我點會介意喎(大笑) 

依晴『咁就好啦,咁下個星期六我打比你架啦(大笑)』 



我『好啦,一言為定,我去沖涼先啦』 

依晴『我有啲眼訓,我都去訓先啦,早抖(單眼),記住聽日叫我起身啊,知無』 

我『好啦早抖,知道啦』 

呢一日比較特別,我竟然長開Whatapp。。。睇黎依晴改變我既野實在太多

已有 0 人追稿