紙言

[真人真事][新手]我和女神的故事: 15



原來依晴同我講早抖既時候只係得十點鐘，睇黎今日我地玩得好攰所以依晴先咁早訓，我都係時候沖涼，吹埋個頭夠鐘訓覺聽日打比依晴叫佢起身。 

三十分鐘過後，我涼已經沖好，頭亦都吹好，上到張床一直諗起今日同依晴一齊行返去既時候，依晴佢突然攬住我到底係乜野意思呢？到我有意思？但係佢有男朋友架喎，雖然我有諗過依晴係收我做兵，但我只係諗下我覺得依晴唔係咁既人，由於我太掛住依晴我又唔敢Whatapp依晴驚嘈醒佢，我只好禁落依晴既對話Loop一次令自己開心下，我見到依晴Whatapp在線上，可能佢同男朋友交代緊今日去左邊？又可能談緊情？我越諗越多，不過，我又唔係依晴邊個，佢既野我咁上心做咩？唔通我鍾意左佢？ 

算啦，我唔應該諗太多，我相信我自作多情，眼見女神10秒前轉左佢既狀態『每天愛你多一些(大笑)LCK(香吻) Day4(心心)。 

做乜我要咁多手禁落去呢，比我睇到咁肉麻既說話，我個心好痛，點解痛？因為我唔知應該點做到底我係佢心目中係咩地位，兵？朋友？陌生人？我好迷茫。。 

呢個時候啊傑係群組到發送左個信息『喂，啊B，聽下呢首歌』 



我Click左入去原來係自動棄權，我真係想打句『啊傑，你想點撚樣？』不過算啦，啊傑都唔知我既心情係點，我唔怪佢。 

聽到呢一句歌詞『我照鏡子也很擔憂　太好東西無力佔有』我有少少想喊。。。 

依晴Whatapp我原來佢仲未訓。。。。『啊B，聽日呢，唔洗打比我啦，我同我男朋友食早餐同埋佢會送我返學(大笑)唔好意思(笑喊)』 

我『唔緊要啦，我訓架啦依加，聽日再傾啦』對住佢我唔知我可以講咩好。。。 

依晴『好啦，早抖啦嘻嘻』 



我『早抖』 

依晴點解要呃我話佢去訓覺呢？佢心情好似唔錯，應該同男朋友更加恩愛，依加既我好頹，好頹，我完全訓唔著，腦海中重複佢話同男朋友食早餐呢句說話，我個心真係好痛，一邊又諗我又唔係佢邊個。。真係好矛盾，矛盾只因深愛著你知嗎。。。。
當我最低落既時候，突然有個Whatapp，原來係啊美，『做咩你仲上線啊 睇緊依晴張相黎打丁啊？哈哈』 

我『準備訓架啦我，只不過諗緊野姐。。。』 

啊美『我訓唔著啊，你條毒撚咪扮訓覺啦，陪下我傾計啦屌你，諗緊咩啊？』 

我『諗緊我自己係依晴既邊個，我真係好唔開心，好想喊』 



啊美『做乜啊？發生咩事？』 

我『原本我約左佢聽日一齊食早餐之後返學，但佢男朋友搵佢食早餐，唔知點解睇到男朋友三個字同埋佢個狀態會好心痛，我唔知應該點做(喊)』 

啊美『傻瓜黎既，你冷靜下先~，你依加同佢仲係朋友黎知無？唔好諗太多』 

我『我好驚之後同佢連朋友都無得做。。』 

啊美『唔驚架，聽日我幫你同佢講啦，不過，就算無左佢呢個朋友都仲有我陪住你啊嘛(怕醜)』 

我『唔該你啊，你咁樣幫我都唔知點報答你好。。。』 

啊美『請我食早餐囉哈哈，就聽日啦，係呢你住邊？』 

我『藍田囉。。XX樓囉。。。』 



啊美『乜原來你都係住呢到架，我係你對面之嘛哈哈，聽日樓下等啦，我想食大家樂，你會唔會唔知醒架？』

我『唔知架，我都驚自己唔知醒。。。』 

啊美『咁我叫你起身啦，記住聽電話。』 

我『咁好啦，多謝你開解我，我識諗架啦(大笑) 

啊美『識諗就最好啦(加油)，唔好唔開心啦知無？(飛吻)』 

呢一晚係第二個女仔陪我，我以為好粗魯既啊美唔會聽人講心事，唔識開解人，原來啊美份人都幾好，好感激佢令我知道我自己做緊乜野，成個人放鬆哂，唔知聽日會係點呢。。。。

已有 0 人追稿