某天我脫毒了，走上了情聖之路: 第五十二章 - 老豆給我的驚喜

無論我send幾多wts app比小櫻。
小櫻都係不讀不回。
我地都係想同佢好好說再見姐。
小櫻不灰既日子很不習慣。
莫名懷念著佢既微笑。

「總會有啲人係懼怕分離果下，佢都係想避免姐。」天欣為小櫻解釋。

「咁睇黎佢真係好怕。」



我唔知我係嬲定唔甘心。
總之就好炆。
搞到我果幾日好似姨媽到咁，咩都睇唔順眼。

下午既時候，呀媽急call我一放學就番去執屋。
呀媽好少call得咁急，我都好好奇發生咩事。
但問極佢都唔講。

我只好唯命是從。



入到屋已經見到呀媽係到抹緊野。
整到間屋前所未有咁乾淨整潔。

「番黎啦? 快啲沖個涼去執野。」

「哦哦。」

我從未見過呀媽咁緊張。
我家什少作客，應該唔會請人番黎食飯掛。



「執好啦?」呀媽衝入黎我房。

「差唔多。」

「快啲啦咁，我去煮飯。」

「下….哦…」

究竟係咩事咁緊張。
可惜我唔敢問。
呢個時候煩佢，應該會被扣零用。

我抱住期待既心情去等待我既答案。
我亦猜測到，我老豆回之時就係答案揭鐘之刻。



呀媽將整頓晚飯都預備好，
只係差老豆既歸來。

門鐘響起，
我從房裡跑出來。
呀媽搶先開門。
企起門後果然係老豆，
老豆身後跟住一個瘦削既身影。

「快啲入黎先啦。」呀媽捉住老豆隻手。

老豆入屋後，
佢身後既人漸漸露出佢先面目。
我驚愕咁望住一塊熟悉既臉孔。



「打搞晒啦。」小櫻點點頭。

我呆木若雞咁望住佢。

「呢位佐佐木小姐今日起會住係到。」老豆搭搭我膊頭。

咩話！？
小櫻會住係到？
佢唔係要番日本咩？

「老豆，究竟發生咩事？」

「你等我坐低食飯慢慢話你知，你帶你同學去家姐間房放低啲行李先。」

我照老豆所說帶左小櫻入房。



「我好混亂，你唔係要番日本？點解又會出現係我屋企？」

「令尊同你解釋會好啲。」

埋到飯枱，
我就忍唔住叫老豆陳明事件。

「之前聽你到你煩惱你同學既事，而你果位同學既父親正係我其中一個生意上既拍擋，我又知道佢個女又唔想走，我咪大膽提出叫佢個女黎我到住囉。畢竟我同佢父親大人識左有一段時間。」

其實老豆究竟做幾多種類既生意？
總好過要小櫻離開既。
不過有啲唔習慣有個新垣結衣住係我屋企。

飯後小櫻好自覺咁幫手執碗。



「我幫你幫到呢到，之後就靠你啦。」老豆突然探個頭過黎。

「你又亂講咩！？我去沖涼先！」

都唔知係咪話我老豆醒過頭。

沖完涼我如常咁行出去。

「細佬！！！」呀媽叫停我。

我愕然望住佢。

見到佢望住我後方。
我將視線轉向佢所望緊既方位。
原來小櫻棟左係我後面。
我一下醒唔起多左小櫻係我屋企。
我習以為常咁剩係著住條孖通走出黎。

我唔敢再望小櫻個樣，
我只想收埋自己係房。
呢下真係柒出宇宙。

第二朝清晨......

「小狼起身啦。」

「訓多左先啦......」

「其實我影低左你琴日沖完涼個樣。」

聽完呢句之後我成個人醒晒。
我仲驚覺今日叫我起身既唔係我呀媽。

「點解會係你？ 我呀媽呢？」

「Aunite叫我入黎叫醒你。」

有無搞錯！？
明知我有起床氣仲叫小櫻入黎叫醒我

從此呱名如花似玉既姑娘就住左係我屋企。
我既人生亦因佢進入另一個篇幅。