某天我脫毒了，走上了情聖之路: 第五十三章 －忘不了

「小狼起身啦！」小櫻如常咁叫我起身番學。

轉眼間小櫻已經住左係我屋企有一星期之久。
我大概都開始習慣屋企多左個人。
起碼唔會再唔著衫周圍走。

回想一星期前，
佢再以“新生”既身份走入學校，
令全場驚訝。
最意想不到係當人地問佢點解又再番黎，


佢竟然輕易咁道出因我老豆既緣故令佢可以留下來，
更道出佢已經住左係我屋企。
霎眼間令我成為瞧點。
為免再有閒言，我都叫小櫻唔好張揚我同佢住埋一齊。
雖則如此，
已經知情既人，總係成日問我女神係屋企係點。
我只能夠答係人一個。
又係咁問我佢會唔會痾屎......

不過小櫻冒習慣....


其實我只係同佢住埋一齊一星期，
我同佢大多時間都係自己間房，
佢久唔久會敲門問我野。

「小狼你做咩係到發呆？」小櫻打破我既沉思。

「未訓醒。」

「琴晚又打到好夜？」



「都係果啲時間。」

「即係好夜啦，咁會對身體唔好。」

「係係.....」

總感覺屋企唔係多左個靚女而係多左個呀媽。

落到大廈門口，嵐嵐仍舊企左係到等我。
其實我都唔白點解嵐嵐仲要等我番學，佢真係咁怕悶咩？
我淨係知我左擁右抱咁番學。
錯！！
大錯特錯！！
係左煩右煩......
嵐嵐成日挑小櫻機，


兩個人嗌嗌下交就搵著我黎搞。

臨上PE堂果陣我先驚覺我無帶衫。

「你做咩定左格咁企係到？」肥森問我。

「我唔記得帶PE衫。」

「祝你好運。」

照PE sir規定，
凡無帶衫者都要係PE堂期間係教員室門口罰企。
我就係咁斷送左我既PE堂。

去教員室途中經過中二生既樓層。


我停左一陣。
思想左一下，
我不禁遊走該層一圈。
又不禁偷看每個班房裡既人。
走完一圈之後，
我不禁恥笑左自己一下。

經過廁所門口，見到有人從中走出來。
既喜又驚。

「柔柔.......」

「小狼.......」

「點解會係到既？」柔柔問我。



「我唔記得帶PE衫要去教員室罰企.....」

柔柔笑了一下。

「你笑咩？」

「你仍然同以前一樣。」

只可惜我們不一樣。

「哈，都係咁....我要趕教員室先得。」

「小狼！」



「huh?」

「唔好再咁粗心大意。」

「我會嫁啦。」

我地再次轉身背對對方。
向住各自既方向走去。

柔柔呀.....
你仲恨我嗎？

回想剛剛既一刻，
柔柔關心我既一刻，
我有幾耐無聽柔柔口中既“小狼”。
始終始終.........

腦海中再次浮現當日柔柔喊住話唔想再見到我既畫面。
好想再一次同佢一齊放學。

小櫻傳來wts app。

小櫻︰｛做咩一上完PE堂就無晒心機？｝

我︰｛上唔到最愛既PE堂｝

小櫻︰｛都係我唔好無提你帶衫｝

我︰｛傻啦，都唔關你事｝

隔左一陣.......

小櫻︰｛望過黎｝

我望一望小櫻。

小櫻雙手放頭頂，做左一個大心形出黎，
之後搖左兩下。
因太大動作，都引起周邊既同學注意係到笑佢。
我到忍唔住笑一笑。
不過我笑係因為小櫻想用行動令我開心番。

我︰｛多謝你｝

我又望望小櫻。
小櫻向我微笑左一下。
係“結衣的微笑”！！！

一度暖流流左入心。
呢種感覺令我回想起當時既柔柔。
足球場為我打氣既佢，失意時仍然陪係我身邊既佢。

夜晚食完飯小櫻叩門入左我房。

「就到聖誕，你有無約人？」

聖誕？
我好似約左晴晴。
但今年應該係小櫻第一年係到過聖誕。
佢開到聲，我就咁拒絕佢好似好慘咁。

「我果日有約人.....不過可以join埋一齊既。」

「哦，你有人約，唔洗啦，我驚你無人約之嘛。」

呢句對白好似係邊到聽過咁。

最後我都係問左晴晴可唔可以叫埋小櫻。
晴晴鬧完我之後就話無問題。
而小櫻都無問題。

睇怕今個聖誕應該幾有睇頭......