某天我脫毒了，走上了情聖之路: 第六十章 - 手心的溫度

我地坐低係茶木，
面對面......
我感覺相當唔自然，好想避開佢既視線。
小櫻不斷頭郁郁企圖同我視線對上。
直至店員出聲我先知佢企左係到。

「請問兩位食啲咩呢？」店員。

「睇睇先唔該。」我以禮回應。



店員點點頭微笑地行開。

「睇下食咩先。」我專心望住餐牌。

我感覺到小櫻既全視線。

「佐佐木小姐你望到我毛都棟晒。」

「你都知我望緊你。」



「你咁明顯....點會唔知.....」

「既然你知又唔理我？」

「..........」我無奈咁望向另一邊。

「奇奇怪怪咁。」

「其實我好肚餓。」



我用盡辦法去轉移小櫻視線，令我好好食呢餐飯。
但我估唔到小櫻竟然話食完飯想行街。
我又唔可以比自己一個行，始終佢人生路不熟。

入到某間紅底白字既舖頭，小櫻拉左我去男裝部睇衫。

「你做咩睇男裝先？」

「驚你悶丫嘛。」

其實我睇衫無乜興趣，點睇都會悶。

「呢件幾好睇。」

小櫻拎一件男裝t-shirt拼左落我上身。


搞到好尷尬。

「幾襯你。」

「嗯........」我側頭做簡單既回應。

「咁等我送比你。」

「你傻的嗎？無功不受碌。」

「當係答謝你照顧我。」

「下！？咁咪益左你。」

「哦~嫌唔夠，唯有以身相許。」



「下！！！？」我驚叫。

「我講下笑。」小櫻做出一個頑皮既笑。

「痴......痴嫁你！！！」

「小狼塊面好紅好可愛。」

我突然惱羞成怒，
一個人走出店舖。
行左兩個圈就番入舖。
但行極都唔見小櫻既蹤影。
我跑出舖頭四處搵。
小櫻唔肯聽我電話。


越搵越焦急........

呢一刻我好嬲自己一時衝動。
情緒一到就好易回想過往既錯事。
無錯...我又想起當日我放開柔柔.....回想起柔柔當日喊住叫我離遠佢。
我係一個懦夫，我再次掉低一個女仔自己行左去。
自責與絕望......
對自己既絕望.......

小櫻你去左邊?
突然好驚小櫻會唔會好似上次咁走左去。
佢今日又要食飯又要行街.....
好擔心.....好擔心再見唔到。
雖然唔知點解會諗。
腦海浮現我同小櫻相處既景象，


中秋節，聖誕節，突然入住我屋企，
仲有每朝踏出房門一定會見到小櫻笑住同我講早晨。
人類總係犯同樣既錯誤，總係.....

「小狼！！」突然有人高呼我名字。

我絕不會認錯這聲音的主人。
我帶著信心轉身就攬住佢。

「小狼！！」

「先...先生......」

我開眼一望，眼前係一個年紀相約但唔識既女仔。

「對.....對唔住，我認錯人.....對唔住！！！」

「唔....唔緊啦......」

好彩果位小姐無追究.....

小櫻望住我係咁笑。

「笑完未呢？」

「對唔住我真係忍唔到。」

我睥住佢......

「好啦唔笑......」

小櫻明顯死忍緊......

「係喎！你岩認錯果個係我？」

「妖，明知故問。」

死.....!!!!!!

「咁你做咩攬住“我”？」

「...........」

「望住我。」

我堅持唔望。

「唔逼你啦。」

我被呢句誘導到我鬆懈落黎。

「咁我攬住小狼啦。」

小櫻緊緊咁攬住我。

「你做咩！？」

「做你想做既野。」

「痴女說夢話！！！」

口裡說不，身體卻肯誠實。
無論我點推都好用唔到力咁。
比佢攬住本來係好幸福好開心，
但我心底下好難受。
呢一刻係感覺既衝動，但深知我心裡已有另一個。

「放手可以嗎........？」

「..........」小櫻抬頭望住我。

佢緩緩放雙手。

「對唔住.......」小櫻低下頭望住地下。

「應該係我講對唔住先岩。」

「你係問仲中意柔柔？」

「嗯.......」

「咁不如我幫你追番佢。」

呢一刻令我好感動，無諗過會有女孩子會講呢番話。

「多謝你。不過我覺得柔柔唔同我一齊會更開心。」我向小櫻笑。

「小.....小狼.......」小櫻雙眼漸紅。

「嘻，呢個森林咁多樹唔怕無拖拍。」

「服左你，係到扮偉大。」

小櫻捉住我隻手「不如我地行番去？」

「可以呀。」

「咁......可以拖住你隻手嗎？就只係呢段路程。」

我攤開手示意答應。

小櫻緊緊拖住我，唔係十字緊扣的那種。
小櫻真係好用力，我亦緊捉實佢。

掌心與掌心中間既溫度讓我完全感受到小櫻心意。