某天我脫毒了，走上了情聖之路: 第六十九章 - 你的源頭

「其實點解你咁中意同我番學.....？」我係巴士上問嵐嵐。

「無點解喎〜」

每次見到佢呢個得戚樣，
都會有種無名火起既感覺，

「答我！！！」我用雙拳鑽佢頭既兩側。

「講啦講啦！>﹏<好痛呀！！」


「咁難得有個住埋同一棟樓既同學，緊係要一齊番學先有feel。」

「咁都唔洗日日都等我...？」

「妖！你理得我姐！」

我再用雙拳鑽佢個頭。

嵐嵐所講既...相信係原因....之一...
佢應該另外有啲更大既原因，



我點解突然想知？
就係突然抽起條筋想知。

靈光一閃底下，
其實可以問柔柔...
但好耐無搵過佢........

我用左成個早堂黎考慮好唔好wts app問柔柔。
我就一直望住柔柔既對話窗....



「黃少朗！！」

「黃少朗！！！！！」

「黃少朗你唔好再睇咸片啦！！！！」

「收皮啦，邊到有睇....」

我突然醒覺岩岩叫我既人應該唔會係學生，
呢個時間會叫學生名既人就只有....老師.....

「電話沒收，lunch係訓導室門食飯同罰企！」

食完飯，我一個人企左係訓導室...


多麼的尷尬......

肥森同家樂離恥笑同用手機影我。
我做手勢示意佢地快啲走。

「小狼你又比人罰企？」

「係呀。」

我無心理會邊個問我....
只係想肥森佢快啲走。

但佢地離遠係到不斷指向我後方。

我好奇地轉身一望.....



「Hi........」我尷尬地打招呼.....

「....hi....」
「又....又比人罰企？」柔柔再問。

「...嗯......係呀.....」我有種無自容既感覺。

「咁...我地遲下再傾.....」

「丫！！柔柔！！」

「Huh?」

「我想問..想問有關嵐嵐既野....」



「噢...噢！我都估到你對嵐嵐有興趣。」

「唔....唔係！！我只係好奇佢點解日日都要等埋我先番學......」

「Ummmmm.....呢啲係佢既事，我好難代佢答喎~」

「哈，咁又係。」

「你專心啲罰企啦，因間罰埋留堂就唔好啦。」

「係............」

總覺得而家既柔柔笑得比以前更甜更開心...



至於嵐嵐既事....
睇怕都要當面再問佢一次。

話說今日久違咁同小櫻一齊放學。

「你今日唔洗拍拖咩？」我問小櫻。

「唔洗呀，佢有課外活動.....你今日唔洗做gym？」

「要呀，而家去做。」

「你今日心情好似唔錯喎。」

「Ummmm......ok la。」

小櫻個樣好似欲言又止咁。

「係咪又發生左咩事？」我問小櫻。

「無呀。」

「真係？」

「嗯！」

「好啦，如果發生咩事你要同我講，我地係好朋友，我一定會撐你！」

「呀.....哈......放心....我真係無野，我有事實會同你講....」

小櫻好似有啲強顏歡笑。

「係呢！今日見到你同柔柔有傾有笑，係咪同人地有新進展啦？」

「唔會有啦，咁岩撞到傾兩句姐，同埋人地都有男朋友.....」

講到柔柔有男朋友果陣，
我不自覺地臉色一沉。

「啊！我到站啦，係屋企再傾。」

我向小櫻拜別就衝左落車，連佢有無byebye都無聽到。

我gym房一邊掙扎，一邊諗點開口問嵐嵐.....
真係好好奇想知嵐嵐既事......

Gym後我如常番屋企，
如常咁食飯，
如常咁打機，
如常咁訓教，
如常咁起身，
如常咁出門。

如常咁行出大堂.....
如常被晨光所照耀既大堂當中，
企左一個如常地等我既女仔。

呢個女仔意識到我既抵達，
轉身望住我，展出佢如常笑容。

今日既陽光真係猛....
但都敵唔過黎若嵐既笑容。