我叫黃少朗,一個平平無奇既毒撚中二學生。
因為名字同某動漫男主角相似,所以我啲朋友都叫我“小狼“。
老實講,我唔太喜歡呢個稱呼。
皆因我油頭粉面又不靚仔,只會弄反拙,打孖黎柒。
我身高同平常既中二生無咩分別,不過就比佢地瘦少少。
言而我同其他人一樣,都想突破A0,創造一個屬於自己既甜故。
所以我決定改變形象,脫毒獵魔!!!


 


「叮噹!叮噹!」中二學期最後一個鐘聲響起,意味住暑期終於降臨!!!

「喂!小狼!暑期有咩做?」他係我既最佳損友,陳浩森。

「點呀!?肥森哥,我咪又係打機睇動漫同做我個死人家姐既奴才囉!」

「屌!無黎大志!我地升中三嫁啦!仲打機,好應該溝番條女黎止下痕啦。」肥森志氣高昂。

「講就易!無啦啦去邊到搵條女黎?仲有我既知名度因柒而起!」



其實我唔單外貌柒柒下,做啲野都一樣咁柒。所以全校既人一見到我,就會笑尻我。

「你條磨碌,知自己柒就執執佢啦!」他邊講邊拍我膊頭大大聲講。

「屌你!細聲啲啦,啲仆街又望住我啦」其實我幾受人注目,因為佢地唔想放過笑柒人既機會。

「仆街!望乜撚野呀!」跆拳道黑帶一個咆哮,嚇到啲人雞飛狗走

「wow!肥森哥又開大技扮張飛。」有條友串串貢走埋黎



「咪嘈啦長毛!」

長毛係低我地一form既蛋散,佢叫長毛唔係他有好長既頭髮,而係佢所有毛都好長。
佢同我地一樣都係足球既成員。不過佢踢波埋埋地,但教練睇中佢既足球戰術所以按左佢入隊幫手同學野。

「得!集齊肥肥二人組,快d落山打機!」

「都話左唔打機囉!落山溝女!」肥森就捉左我落山,長毛緊隨我地既步伐。

「喂!無啦啦邊到有女呀?屌!」我開始燥底,但無力反抗。

我開頭以為佢吹水姐,點知他帶左我去佢屋企,而長毛因為對呢啲野無咩性趣,中途就走左。其實我成日懷疑佢係gay。

肥森叫我坐佢部腦前面,我串佢「乜尻呀?你黎叫我溝波多野結衣咩?」



「仆街!教你上網識女仔,而家好流行!同埋我呢到得上原亞衣!」

他即刻教我點網上交友和介紹左啲交apps比我。
7:30 pm我終於番到屋企,

「咁遲先番,去邊黎呀?」呀媽又開始連珠爆發

我一話比佢知我去左肥森到,佢就無再破口大罵。
因為我同肥森由小學就識大家,所以我屋企人都好放心我同佢玩。
食完飯沖完涼無咩野做,係好奇心驅使下我就試下網上交友。
過左一陣,係論壇識左個女仔,同佢傾一陣

我:「你有無wts app呀?不如轉wts app傾。」

佢:「好呀!xxxx-xxxx」



我wts app佢「Hi,我係小狼呀!」

佢:「小狼~哈哈,你將profile pic好靚,你畫嫁?」

因為我好中意畫漫畫所以我用佢地黎代替我個樣黎做profile pic。

我:「係呀,好多人都咁講」

佢:「係呢!你有無相呀?」

我:「Er……..都有既,不過我個樣好柒。」
「唔緊要啦!又唔係相睇,一係我比你睇先啦」佢隨即就sd左相比我睇。都唔錯嫁,眼大大幾得意。

我都唔執輸,搵張唔差既相回禮。你奶媽!平時相都唔影多張,莫講話靚相,我獨照都唔多張。


搵左十分鐘,終於搵到張好好睇睇!
好!sd出去先!

「有小小柒,唔好見怪><!」戴一戴頭盔,有咩事無咁傷

「唔係呀,無咩呀,正常毒撚一個(笑喊emoji)」

我屌,咩叫正常毒撚?咁咪即係柒囉= =。

「眼利喎!一睇就知我係毒撚xd!」我都唔識應佢,是但尻嗡算數。

之後走左去打機,打左一陣望下部電話,發覺無應機,佢個profile pic仲要無埋,即係得番果個灰底白人頭既相係到。
根據我對wts app既認知,佢唔奶係block左我丫嗎?

隔左兩日,佢都係無覆我,睇黎真係block左我。


雖然我真係毒姐,都唔洗去到咁絕,做個朋友姐。
呢次,受左唔細既打擊,於是我決定執執自己個樣!我應承自己!唔會再比呢件事發生!!!!
所有故事就從我改變形象開始……..