某天我脫毒了，走上了情聖之路: 第二十二章 - 勝利的美酒
新年假前有件大事要處理!
就係學界第一場既分組賽。
因為今年A grade人數唔夠，所以我地只係報左B grade。
我地隊又有我又有黑豹，應該可以係B grade打出好成績。第一場賽事當日，我邀請左卓芝同柔柔黎觀戰。
因為佢兩個之前都話想黎嘛。
比賽當日我約埋肥森阿謙同家樂去。
「好興奮! 終於可以正選上陣!!」肥森相當興奮。
球隊入面確實無人比佢守龍門守得更穩如泰山。
我係正選就唔再講啦，分分鐘係皇牌tim。
不過阿謙應該都有正選既。
去到比賽場地換衫熱身既時候我都分別wts app柔柔同卓芝。
「我換衫熱身啦，因間見啦柔柔小妹妹。」wts app比柔柔。
「我夠鐘熱身，一陣睇我點威! 」wts app比卓芝。大家都換好晒衫去到郭sir果到集合。
郭sir第一時間就公告正選名單。
「我地打4-4-2，陳浩森打龍，劉偉麟打左閘，潘銘豪(阿豪)同王文杰兩個打中堅，黃少朗右閘，林永文左翼，王文駿同何智文兩個打中間，吳家進右翼，要同小狼好好配合呀! 李鴻(黑豹)同鄺睿謙打前。」
文駿同文杰係兩兄弟，係出面有踢開比賽，練波既時候都大概檢測到佢地既戰鬥力。
佢兩個既戰鬥力應該係我之上。
我望望阿謙個樣，佢好似有啲壓力。
無計啦，拍住黑豹係大壓力啲，有咩事真係比佢屌到入龍門。
「喂! 等陣唔好開認真mode。」長毛走黎同我講。
「點解呀?」
「對手唔太強，你普通狀態加王文兄弟同黑豹應該夠做有餘。成日開技會比人睇穿。」
熱身去到咁上下時候，發現柔柔同卓芝都已經到左。
但係佢兩個因為唔識對方，分開左坐。
「小妹妹做咩自己一個坐?」我行埋去柔柔到。
「無人陪我黎睇。」星期六個個都出街啦，點會黎睇波。
「果個有我另一個朋友，不如你都過去一齊坐，你咁可愛我怕你係到比人食左。」
我就帶左柔柔同卓芝家樂一齊坐。
「佢叫柔柔呀，佢得一個人，所以我叫佢黎同你地一齊坐。」我向家樂卓芝介紹柔柔。
「wow!!!!」家樂又係到起埋啲無聊哄。
「我叫卓芝呀。」卓芝企左起同柔柔握手，好有大姐姐風範。
「小狼我幫你睇住柔柔啦，你加油!!!!!」卓芝突然變得好溫柔。
柔柔都做左個okay手勢。
之後我番左落球場，熱住身等開波。
哨子聲響起，比賽隨即開始。
如長毛所料，對方實力果然唔足以逼我進入認真模式。
我地更係賽事十分鐘後由黑豹先打開紀錄。
對方防守球員完敗係黑豹既跑速之下。
相反我地既防守球員就好得閒，只係間中清下波。
完半場既時候已經贏緊2:0。
完全係輕鬆取勝。
黑豹更無人性咁大演帽子戲法，我都無執輸，入左佢一球就收手。
第一場就大勝，郭sir話要好好慶祝。
請晒我地去佢屋企打邊爐。
「你可以叫埋你個女朋友仔黎。」郭sir走埋黎同我講。
「佢唔係我女朋友！」
「人地特登一個女仔黎睇你喎。」郭sir繼續講。
「阮芯柔同學，我地慶功呀，你都一齊啦不如。」郭sir突然轉身走左去柔柔到。
「但我唔係足球隊喎。」
「唔緊要啦，家樂都唔係啦。」郭sir指住家樂講。
家樂聽到佢又比人揶揄之後，又係到嘈淵巴閉。
我真係頂佢唔順。
我地分批去買打邊爐既野。
柔柔同卓芝都跟住我。
我突然有個念頭，如果佢兩個都係我女朋友唔知會點呢?
果頭諗完，呢頭我就伸左隻手去搣柔柔塊面。
簡直係一種享受!!!!
「嗯>.<」每次搣柔柔，佢都會咁樣。
「喂！唔好係到恰細路女。」卓芝一野敲落我個頭到。
「好痛呀賤貨!!!!」
廿廿
我同卓芝係個路中心到互敲。
柔柔都不禁笑起上黎。柔柔既笑容真係好靚。
正當我太專心欣賞柔柔既笑容既時候。
卓芝突然狠狠咁揼左我一捶
「吖屌! 」我痛到叫左出黎 。
「掛住溝女吖啦。」卓芝因為打到我好痛而興奮。
柔柔仍然不斷係到笑。
柔柔既笑容真係百看不厭。
「其實柔柔都幾可愛，幾得人中意。」卓芝拉我埋一二邊細細聲講。
「係超可愛!!!!」我終於搵到知音人!!!
「佢呢啲好快就比人追走，你係就快啦。」
「都話左我同佢無野!!!」
「係係係……小心蘇州過後無艇搭。」
佢講完呢句之後就走左去撓住柔柔隻手一齊行。
佢仲回頭向我伸一伸猁係到挑機。
我地買齊野就上去郭sir屋企。
點知佢地成班麻甩佬無人肯幫手洗野。
淨係係到打FIFA。
「卓芝，我黎陪你整啦。」我同係廚房洗緊野既卓芝講。
「哈，你唔洗陪柔柔咩?」
「我地又唔係情侶，唔洗成日糖痴豆。」
「我睇得出佢好緊張你，佢既成視線經常停留係你到。」
「我同佢熟姐，你都成日望我嫁。」
「我望下你點解咁柒咋。」
卓芝呢份傲嬌味，有時候係幾可愛。
卓芝平時會煮飯比佢細佬食，所以好快就搞點晒。
「為慶祝我地有個好既開始! 我地今晚不飽無歸!!!!」郭sir發表偉論。
畢竟我地未夠18歲唔飲得酒，所以無得不醉無歸。
不過柔柔同卓芝一人坐我一邊，其實真係幾幸福。
如果我同時間有足兩個女朋友既話，我應該會好那幸福!!!
「係係係……小心蘇州過後無艇搭。」