(奇幻)(愛情)(校園)龍之子: 二.幻蛇

因為果個女仔有着一對大大的眼睛,但而家睇落去佢既眼神好似好驚。佢既皮膚都幾白下,有住一對雪白既長腿。而且可愛既臉容再加上一雙發育得唔錯既胸部,

簡直係我心目中既女神啊!但令我吃驚既,都係令我停低腳步既原因,係佢有着一樣令我熟悉既野----- 一把長長既紫髮,好似寶石咁華麗。


「唔通佢就係我發夢見到既女仔?」我心諗。就係依個時候,我聽到一道驚慌既聲音「救命呀!」,我即刻回過神來,咦,原來個女仔驚個陣都係咁靚,我俾佢個樣吸引住,但我即刻提醒自己唔係來睇女仔,而係.....

突然間,我見到紫髮女仔俾一班好似係獸族既人捉住隻手。

見到佢俾人捉住隻手個陣,個心唔點解會有一陣煩躁既感覺。我即刻大喊一聲「你地仲咩捉住人地隻手啊?唔通你地唔知《百族和約》中的第一條:不淮未經對方同意觸摸

其他種族既身體。」我心諗:依個女仔應該唔係獸族掛....

個班獸族既人即刻惡狠狠咁望住我,其中一個個樣好似狼既獸族講:「小子,唔好多管閒事喎!」如果係平時架話,我應該早就逃到遠處去。但係今日可能係因為有D煩躁,我居然凶番佢:「我就係要多
管閒事喎,點樣啊?」

佢地成班友即刻大笑起來,頭先講野個個獸族講:「憑你個副好似排骨咁瘦既身體,就想多管閒事?」我身高並唔算好高,大約176-178CM,身型都唔算大隻個種。

跟住佢又講:「睇來要比D教訓你睇下先得!」。講完之後,就用佢龐大既身體撞埋來。好彩我係學校都學過基本的劍術同防禦術,我即刻跳去旁邊以避開佢既撞擊。

然後我大喊:『召喚!鐵劍「幻蛇」』。我手中即刻出現左把灰色既長劍。係依個世界,每個人出世都有唁同數值既「靈力」。「靈力」係會隨住年齡增加的,「靈力」愈多就可以召喚愈


高級既劍,也可以用來使用法術,每用一次法術或召喚一次劍既話就會消耗一定既「靈力」,視乎劍或法術既等級。「靈力」可以通過休息同食野回復。

我依把劍算係高級既劍,係10級入面排第6級。頭先講野果個獸族冷笑一聲:「哼!只係6級既劍嗎?」佢都大喊:『召喚!狼牙棒「狼吼」』。講完之後,佢手中即刻出現左把漆黑既狼牙棒,俾人一種
壓迫既感覺,好似想吞噬世上所有既野。

佢講:「就俾我用依把7級既狼牙棒「狼吼」來會下你個把劍啦!」說罷,佢將狼牙棒狠狠咁揮向我,我本能咁用劍向上一擋。「慳!」,「幻蛇」同「狼吼」碰撞後發出一聲巨響。

我發現我把劍既劍面出現少少裂痕,我心諗:果然7級既武器唔可以睇小。我向後一跳,並將把劍向前刺。佢再將「狼吼」揮向我,睇來佢都知道我把劍既耐久度唔夠佢高,畢竟佢既狼牙棒係7級啊

但其實我係發動左「幻蛇」既技能,每件武器都有佢既技能,「幻蛇」既技能係「幻術」,可以用來擾亂敵人。我把劍其實唔係向前刺,而係打橫劈,點知,雖然劈中佢身體,但原來佢着左護甲,



所以受到既傷害唔大。佢俾我劈中之後即刻講:「估唔到你識「幻術」依招!睇來我都要回敬一招俾你!」說罷,佢將「狼吼」指向我,一開始我唔知佢做緊乜,但係我見到紫髮女仔望向我,露出擔憂
既表情,就知道係厲害既技能。果然,狼牙棒面頭既尖刺即刻向我飛來,雖然我用劍擊飛左唔少既尖刺,但我仍然俾尖刺刺中。

我大喊:「啊!」然後跪左係地下,把劍「慳」一聲跌左落地下。果個獸族說:「你既實力就只有咁多?仲想學人英雄救美?返屋企練返10年先啦!」之後佢掉轉頭諗住走.....

我聽到佢咁講之後覺得好憤怒,又覺得自己好無能,連個女仔都救唔到。再加上望到女仔楚楚可憐既樣,我既憤怒同煩躁已經去到極點....

我個身體開始熱起來,我而家只有一個願望------------我要變強!!!!!!!!!!------------------------------------------------------------------------------------------------------------------------------------------------------------------------------------------------------------------------------------------------------------------------------------------
​大家睇左2集之後覺得點呀?歡迎大家留言喔!如果覺得好睇,請大家分享依個故事比朋友哦!(雖然我每次更新都好慢,希望大家可以見諒,因為學校既功課有D多)可能我故事入面用詞不當,又或是語病,但係我會盡量改善的