(奇幻)(愛情)(校園)龍之子: 三.月免小姐

我咆哮左一聲「吼!!!!!!!!!!!」然後我手中出現左一把紅色既劍,好似鮮血既顏色,劍身被火焰圍住。果個獸族聽到我既咆哮,回過頭來,臉上露出吃驚既表情,佢驚到講野都結巴:「點....點解你既頭髮
變成金色?仲.....仲有,你個把劍點解我辨認唔到佢既等級?」我個陣已經憤怒到答唔到問題,只係將把劍用力咁揮向佢,一團火焰打中左佢既護甲。「啊!!!!!!!!」佢慘叫一聲,佢既護甲同身體一齊燒
着,痛到係地下滾來滾去,情況真係慘不忍睹。佢既同伴見到佢咁居然唔理佢,全部驚慌咁逃離現場。我揮左劍之後突然感到一陣暈眩,世界好似係到轉咁。然後我手一鬆,把劍跌左落地下,成個人
訓左落地,之後,我就咩都唔知啦............

「小戈,小戈....」我係半醒半睡既狀態下聽到一把既溫柔,又有點焦急既女聲。心諗:唔通又係夢?但我仍感到頭暈,跟住又昏睡過去....

唔知過左幾耐,我開始醒過來。我揉揉半開半合既眼睛,望到亮白既天花板,仲有幾盞吊燈。我不禁對依個地方感到好奇,依到係邊到?

就係我感到困惑個陣,房門被打開,一位約莫27,28歲,着住紅色高跟鞋,身穿潔白既護士袍既女人行入來

我心諗:咦!依個咪係我學校既月免小姐?佢唔係應該係治療室咩?但我即刻知道依到係邊到,我真係蠢!月免小姐長年係治療室工作,又好少去其他地方,所以依到咪學校既治療室囉!

正當我沉思之際,月免小姐問我:「依位同學,你而家覺得點樣?」

我答道:「冇咩野,只係覺得有少少攰。」 突然間,我醒起一D野:「月免小姐,點解你知我係本校學生?」

佢沒好氣咁講:「本校所有既學生我都認得。而且......」佢頓了一頓:「係扶你到依到既紫髮女仔講既。」

然後,佢似笑非笑咁望住我:「你同果個女仔咩關係啊?佢好似好擔心你咁喎。如果唔係我叫佢返上去上堂,以免打擾你休息架話,我諗佢唔肯上返去。」



我感到震驚,個女仔同我同一間學校?點解我好似冇見過佢?

由於依個消息令我覺得震驚,便隨口答道:「吓!我同佢冇關係喎...」

我話音未落,月免小姐已經衝上來捉住我衣領,氣沖沖咁問:「咩話?冇關係?你居然同一個辛苦咁救左你既女仔講你地冇關係?你係咪唔要人地啦...」

佢連珠炮發咁問左我依幾個問題。




「喂喂,妳好似講得有D過火,而且我同佢真係第一次見面嘛。」我心裡嘀咕。月免小姐好少會咁激動。

我對月免小姐講:「月免小姐,妳唔好咁激動。我印象中我同果位紫髮女孩係第一次見面,妳頭一句講得啱,我唔應該講我地冇關係,畢竟佢救左我。」我停左一下,望左月免小姐一眼,

見佢好似無咁嬲,便繼續講:「但妳後面果句就有D過火啦,我同佢並唔係情侶關係...」 

佢聽完我講之後,便說:「你都講得啱,我唔應該咁激動。雖然我都係覺得你地關係非比尋常,但係我都唔應該亂講你地既關係。」聽到佢

咁講之後,我鬆左一口氣,畢竟如果激嬲左月免小姐既話,後果不堪設想...有傳聞話月免小姐武功極高,只係僅次於校長而已。

依個時候, 我聽到一把女聲由門外傳來。