(奇幻)(愛情)(校園)龍之子: 七.初戰(1)
什麼!!!
紫晴居然唔使讀入道和中階級???
我覺得不可思議,就問佢點解唔使讀。
點知,紫晴說:「我親自同校長講要同你讀同一班,佢一口答應了。」
我不禁嘆了口氣,到底紫晴有幾神通廣大呢?連校長都聽佢講野。
雖然我仲想問佢點解校長會應承佢,但由於要上堂,所以我急步拖着紫晴既手行去二年級課室方向。
我同紫晴行左一陣,終於行到課室門口,我打開門,發覺班房比平時靜好多。我不禁感到奇怪。
但最奇怪既係,全部同學都望住我!!!!
[size=150]我瞥到甜甜展露一個幸災樂禍既表情，心裡立刻泛起一D不祥預感。
一位馬頭人身既男仔(下稱人馬男)企左起身，向我喝道：「龍戈！我要同你決鬥！」
我感到納悶，平時我冇咩得罪佢，點解佢會想搵我決鬥？
「如果你唔肯打既話，你就唔配龍戈依個名！」
傳說龍係一種好戰的動物，而且戈依個字有住金戈鐵壁既意思。
我聽到佢咁樣講，心諗：我配唔配龍戈依個名係由你決定架咩？不禁心裡有氣，諗都唔諗就講：「好呀，唔通我會驚你？」
話一講出我就後悔啦，假如我打敗左佢，我可能會得罪左佢。但係如果我被佢打敗既話，我可能會受到重傷。總之依2種結果我都唔想出現。
紫晴聽到之後拉拉我的衣袖，擔憂咁講：「小戈，你要小心D,不如唔好同佢打啦...」
我裝作很有信心的樣子，拍拍心口：「唔使擔心，我會無事嘅。」
人馬男：「喂！你隔離果個女仔係邊個黎架？」
甜甜依個時候插口：「依個咪係佢既青梅竹馬兼女朋友囉！」她故意加重青梅竹馬同女朋友依2個詞語既語氣。
我好似聽到人馬男喃喃自語：「都有女朋友啦，仲搞埋甜甜。」
由於我聽得並不是十分清楚，所以我都冇應佢。
他說：「咁我地去學院既競技場到比試啦。」
我一直感到奇怪既地方係點解老師仲味來到課堂。不過我都冇理咁多啦，都係比左試先。
我同佢，仲有成班食花生既同學行到學院中心既競技場，一行入去，就望到圓形既觀眾席，睇落可以容納起碼1000人。不過依家係上課時間，所以觀眾席一個人都冇。觀眾席圍繞著一個直徑若300米既競技場。
人馬男行到場中央，同我講：「我地開始決鬥啦。」
「咪住先，我地要搵裁判來睇下我地有冇犯規同計時。」
「咁不如搵甜甜做裁判啦，我相信冇人會有異議既。」佢講依句話時好似特別興奮，我有D懷疑佢係咪鍾意甜甜。
依個時候，企係場邊既甜甜說：「如果戈戈唔反對既話，我冇所謂。」
果個人馬男聽到甜甜叫我戈戈，臉部微微抽搐了一下，如果唔細心都留意唔到。
「我冇所謂。」
「咁快D開始啦。」人馬男唔耐煩咁講，好似想即刻將我打低。
紫晴對我說：「小戈，要小心啲啊，唔得唔好隔硬來。」
「我知架啦。」
我同人馬男各企係場既兩邊。
佢首先召喚佢既武器----永恆之槍。
一把銀色既槍立刻出現係佢既手中，陽光從競技場外照射入來，令槍柄顯得閃閃生輝。
我都召喚出幻蛇，暗灰色既劍同槍形成對比。
人馬男首先發動攻勢，佢大喊：「黑洞吸收！」，一個黑色，直徑約莫3米長既圓形洞係我頭頂出現，我感覺到黑洞有股強大的引力，所以我即刻跳去一旁。
人馬男好似驚訝我可以避開個黑洞，哼了一聲：「算你好彩，咁依招你由避唔避到呢？」
佢再喊：「真空結界！」雖然同頭先一樣都係有個黑洞係我頭頂，但今次連我身邊都有數個黑洞，依次既引力比頭先果次增加了10多倍。
紫晴見我比黑洞圍住，禁不住大喊：「小戈，小心啊！」
俾黑洞圍住既地板即刻裂開，然後一陣濃煙彌漫在半空。
過了一會兒，濃煙散去。與此同時，有人大喊：「啊！」睇來有人受左傷。
場中我和人馬男都受左傷，人馬男手臂受了傷，而我都受左傷，但我受傷既位置係之前為左救紫晴而俾果個獸族男打傷既。
場邊既同學都驚訝於我點解可以打傷人馬男
----------------------------
----------------------------
「點算好呢？」我心諗，我的四周都開始形成黑洞，再唔走就會俾黑洞吸走。
我突然醒起幻蛇既其中一招-----幻象。
雖然幻術同幻象相差一個字，但效果是十分不同的。
幻術係假裝使用某種劍技，實際上係用另一種劍技。簡單來說就係聲東擊西。
而幻象就係製造出一個或多個假的景象，果個景象同用劍者十分相似，咁樣可以令對手唔知道自己真實位置。
我心裡默念：幻象。
然後出現左數個既我，我將其中一個幻象留在黑洞中間，而其他幻象則跟我脫離黑洞，而且乘機偷襲人馬男。
人馬男見我脫圍而出，諗住上前再補刀，點知一砍落去咩都冇。當然落空啦！果個我係幻象來嘛。真正的我就趁機係佢手臀劃左一刀。
「估唔到你連呢招都避開到，睇來我要用我既必殺技啦！」
「漫天刀雨。」佢講野同時，將把槍插入地下。
天空上立刻出現左一個長方形既洞，無數既刀由洞飛向我的位置。
我嘗試用分身術避開同劍打走啲刀，但由於飛刀既數量太多，有幾把擊中我的身體。
飛刀既疼痛令我跌到在地，我心想：唔通我又要輸？
依個時候，我聽到身體入面傳來一把聲。