(奇幻)(愛情)(校園)龍之子: 八.初戰(2)

「主人，你係咪需要我既力量？」把聲聽落係一把女聲。

我懷疑自己係咪有幻聽，但這把聲音既主人再一次問：「主人？你聽唔聽到？」

我應道：「妳...妳係邊個？」

「主人，依個問題我遲啲再答你，你答左我個問題先啦。」

「我...我需要妳既力量。」雖然我對佢既力量表示懷疑，佢究竟幫唔幫到我打贏人馬男呢？而且同佢三唔識七，不過而家睇黎我只有相信佢。



「但係主人你需要永久捨棄你個把叫幻蛇既劍的力量，因為佢既力量同我對衝，咁樣我先可以幫到你。」

雖然我唔係幾想捨棄幻蛇，但我基本上接近唔到人馬男，因為佢既遠程攻擊完全剋制我。所以我接受左佢既要求。

「主人，我而家出黎啦！」佢既聲音聽落去有D開心。

突然我手中出現左一把劍，熟悉的紅色，同我之前暈左果次出現既劍一模一樣。

我再次感受到灼熱的火焰。不過奇怪既係之前召喚依把劍既時候點解我聽唔到果個唔知叫咩名既女仔把聲。係喎，唔記得問果個女仔叫咩名。但係，目前最重要既係打敗人馬男。



人馬男原本見我中了他的飛刀，神色大喜。並打算上前一槍擊敗我。但佢一見到我把紅色既劍，就神色大變，可能佢感受到劍身既火焰傳來既灼熱。

人馬男問：「你依把劍叫咩名？」
正當我打算答佢我都唔知依把劍既名，果把女聲再度響起，「主人，依把劍叫做紅焰。」

於是我答道：「依把劍叫做紅焰。」

佢喃喃自語「紅焰，把劍個名幾唔錯...」
我差點以為佢有精神病，係到自言自語。



「不過，就算你有新既劍，又擋唔擋到我頭先個招呢？」

佢再次發動漫天刀雨，天空降下無數把飛刀。

嗰把女聲再次響起「主人，其實我係依把劍既化身。我地可以通過戰鬥來加深我們既羈絆，從而提高戰鬥力。等我擋低依一招啦！烈焰盾！」

一個紅色的盾牌出現係我頭頂出現。將飛刀全部擋下。

「主人，你可以通過想像力同用劍來操控火焰。依招叫做『火焰操控』」

我雖然唔係幾清楚要點做，不過我嘗試跟住佢講既來做。

我用劍指着人馬男，想着人馬男旁邊形成一個火龍捲，果然，人馬男身邊即刻出現左火龍捲。可惜，出現左2，3秒就消失左。睇來我要多加練習先可以掌握依頂項技能。不過，人馬男已經俾我嚇左一跳。
「你...你頭先既火焰係咩技能？」
「火焰操控。」


正當我同人馬男想繼續打落去既時候，一把低沉既聲音傳來，「停手！」

我同佢見到一位熊臉人身既男人行過來，佢就係原本應該出現係課室既老師。但係唔知點解而家先黎到。

「你地居然私下打鬥，唔通你地唔記得校規既第一條：『不可以私下打鬥 』嗎？」

人馬男同我都dup低頭說「係...熊人老師，我哋知錯啦。」睇黎人馬男同我一樣都知道一樣野------同老師對着槓係冇好處既，而且依件事的確係我地唔啱。
不過，我心中有些不忿，因為決鬥係人馬男提出既，照道理應該係佢唔啱。但我反思左一陣，我都唔應該咁衝動，輕易受別人挑釁。我默默謹記住今日既教訓。

甜甜食左咁耐花生，終於出聲啦。「老師~戈戈佢哋都係想增進自己既實力先決鬥姐，今次唔好罰佢地啦，好冇?」甜甜嗲聲嗲氣咁講。我諗任何人聽到佢既語氣都唔忍心拒絕佢。
果然，熊人老師聽到後，原本一臉嚴肅既臉露出一絲笑容。望向我哋講：「唔...既然係咁，今次就放過你地啦。」然後又望向我嗰班同學，「你哋都同我快D番去上堂。」

「老師，可唔可以比我休息一下？我受左傷，而且之前個傷口仲痛緊。」我問老師

「咩話？小戈你受左傷？快D比我睇吓！」紫晴着急咁講


「唔係咩大問題，休息一下就好。」我答道。
「咁你今日下午唔使番學啦，留係屋企休息下。」熊人老師回答，睇黎熊人老師都幾好人。
「唔該老師。」我感激咁回答。
「小戈，一係我陪你番屋企啦，費時你中途暈低左。」
「唔使啦，晴晴，妳番去上堂啦。」
「都係我陪你番去...」紫晴仍然想陪我番屋企。
「真係唔使啦。」我打斷紫晴既說話。
「咁小戈你要小心啲。」紫晴擔心咁講。
「嗯，我會架啦。」

望着同學們，紫晴，甜甜，同埋熊人老師走左之後，我鬆了一口氣。

因為我有啲野想單獨做既，而且唔想比人知。