「今年嘉恩生日諗住點?」陳心儀問我。她有一個打算,就是去沙灘燒烤慶祝。 


「哩個主意都唔錯呀。」我說。 


「咁就咁話架啦啵。太好,夜晚我地仲可以去子豪屋企。」 


「子豪屋企?」 




「係呀,佢屋企係沙灘旁邊嘛,我諗我地做咩都好方便。」 


「喔......」 


陳心儀好像看穿我在想什麼,拍拍我的肩膀說:「唔好咁啦,我諗嘉恩佢唔會咁容易應承,佢都仲考慮緊。」 




考慮中,是否代表有可能? 


我的心凌亂得很。 


「徐嘉恩,生日快樂,祝妳越大越老。」 




MSN和短訊中,我都在零時零分寄出了祝福訊息。 


我沒有檢查到底她有沒有回覆我,就倒在床上睡覺。 


直到第二天的早晨,原來她在00:01分已經回覆我。
「多謝,你永遠都係最早同我講生日嗰個。」 


我們相約在惠康買好材料就進去,結果忌廉(他是陳心儀指名叫來)遲大到。我們幾乎買完食物他才來到。 


「你唔好再遲啲。」他匆匆忙忙趕到時,陳心儀就不爽地說。 




「塞車嘛。」 


「地鐵塞車?」 


「我都係咁同個司機講架,點知佢話:『時勢唔同啦,多咗司機,競爭大咗,要搵食咪個個都揸快啲。」 


「但地鐵車長好似係出月糧架啵。」 


「係咩?喔,佢地PART-TIME嘛。」 




「食屎啦你不如。」 


一見面就煩到不行。 


結果坐小巴時,我們讓他們坐在一起,繼續吵過不行,而我跟徐嘉恩則在後座。

徐嘉恩今日扎了馬尾,老實說,我很喜歡女生扎馬尾的,感覺夠清爽嘛。 


「妳今日好好睇。」我對她說。 




「係咩?」 


「係呀。」我是真心說話的。 


「白痴。」她笑笑口的罵我。 


過了不久,我們便去到沙灘。生了個火後,拋下忌廉一個人在看爐,我們三個衝了去沙灘玩。 


途中遇見一個跟我們差不多年齡的年輕人,膚色黝黑的,一個人來。 




他有一塊黑色的滑板,不但借了給我們玩,還指導我們怎樣才能滑浪。 


「睇準時機好重要呀。」 


教了我們的姿勢等等,不過好可惜,直到他離開前,我們還未有人試過成功滑到一次浪。 


回到爐頭,只有忌廉一個人在燒悶烤。 


「得啦,威啦,我燒哂畀你地食,你地就去咗玩。」 


他真的好小氣。

不過他燒的雞翼算是不錯的。 


晚上,我們如約去了子豪的家。 


他住在兩層的村屋中,然後我們叫了pizza就當作我們的晚餐。 


開了xbox的運動遊戲玩,想不到子豪不但是運動的健將,連遊戲也是一個大贏家。 


我生了整晚的悶氣,因為子豪整個晚上對徐嘉恩都極為殷勤,無論裝食物或是水都無微不至。 


「不如你地今晚留係度訓。」他建議我們。 


分好房後,徐嘉恩拍一拍我的肩膀。 


「出去行下好無?」 


「好呀。」 


我們走在子豪家外面的沙灘,漫步在無人的沙灘上,黑夜照得海水有點深邃。 


「你今日唔開心呀?」她忽然問起。 


「無呀......」 


「我份禮物呢?」她伸手問我。 


「無啵。」 


「我唔信。」
果然,她猜的是對。 


我從褲袋掏出一個盒子。 


「咩黎架?」她一臉期待的問。 


「圖章黎架。我想準備一份特別啲禮物,所以專登整咗一個刻咗你個名嘅圖章。」 


徐嘉思高興地拿著圖章在手,仔細認真在月光下把玩。 


「我好中意呀。多謝你。」 


我們漫步到沙灘的一角坐下。 


「你今日做咩唔開心啫?」 


「無呀......」 


整個沙灘,除了海水聲,寂靜得只有我們的氣息。 


「多謝你,飯桶。」 


我們就凝望著大海,一直靜靜地坐著。 


「好眼訓呀。」 


「咁不如返去?」 


「唔洗......飯桶。我有啲秘密想同你講。」 


「係?」
「你都知我屋企係點......同埋其實我好耐之前養過一隻狗。」 


我點點頭。 


「佢係我好細個就買返去,佢好似聽得明我講野咁,好神奇。我好中意佢,好中意好中意。甚至有啲覺得,已經唔係人同寵物嘅關係,你會唔會覺得......我好奇怪?」 


我搖搖頭。 


「可惜佢係一次火災就死咗......為咗救我。」 


怪不得她怕火。 


徐嘉恩深深的嘆了一口氣。 


「我到今日仍然好掛住佢。」 


她倚在我的肩膀上,最後輕聲了一句說:「你明唔明?」 


我們整晚都沒有回子豪的家。 







明月裝飾了你的窗子, 
你裝飾了別人的夢。