曾經同一個女仔大戰咗幾年: 66

即使做好一切的心理準備，也在腦海中預演了無數次，但真正見臉時，我仍是不能呼吸。 


猶如這個世界是不存在空氣。 


心跳得有點快，快得有點痛。 


我用我認為最慢的速度轉身。 




「飯......桶，點解你會係度嘅？」她再 


果然是她。 


果然是徐嘉恩。 




徐嘉恩的頭髮長了不少，還染了淡淡的啡色，樣子仍是那麼清純脫俗，不過眼神中卻添幾分成熟和堅定的感覺。 


好像熟悉，但又有一種陌生感。 


原來幾年不見的重遇是這樣。 




陽光有點耀眼，我都快張不開眼望她。 


「係呀，我遲啲先開學，所以專登返黎香港。」我回答。 


「咁你點解會係度嘅？」 


「我覺得哩個校園好靚，咁岩過黎睇下。」 


「哈哈。」不過她笑完過後卻沒有笑容，反而是望著我流起淚來。 




很快的，她收起情緒說：「我......只係無諗過會係哩度撞返你。」 


「我都無諗過呀。」 


「你係幾時返黎架？」她已用紙巾開始擦乾淚水。 


「都係幾日前。」 


「咁......你諗住幾時走？」 




「其實我聽日就會走。」 


她愣了半响，很快就回復笑臉說：「咁快？咁不如一齊食啲野？」

她帶我參觀校園，途中一邊閒談，聊聊對方的生活。 


與徐嘉思對談前，其實有一種莫名的距離感，因為害怕我們太久沒有對話的關係，好像一切都被摧毀，又要再重新建立過一樣。 


但跟她聊天後，就發現這種距離感不存在，從她的神情和言談間，就知道她沒有變過，還是那個徐嘉恩。 


一切都好像倒回，我們在坦白一切的那天。 




「不如我扮哩間大學嘅學生一日。」我提議。 


我乖機跟著徐嘉恩去上堂，旁聽她主修的中文科。在班房裡，她的同學紛紛驚訝地問：「嘉恩，妳男朋友呀？」 


她只笑著不回應。 


「睇黎妳人緣幾好。」 


「多得你啫。」 




「多得我咩？」 


「作生招牌，幫我引到唔少女同學。」 


「妳好少會讚我，係咪有咩神經錯亂？」 


「咁耐無見，我只係補償哩幾年嘅讚賞，其實已經用完。」 


「咁少？」

我們上完堂後，便到了附近的飯堂吃飯。 


我叫了咖哩魚蛋，她則點了腸粉，一邊吃時一邊叫我多點分享在外國的生活，我就全盤道出。 


「咁個女仔都幾中意你啵，有無考慮接受人？」 


「積極考慮中。」我笑說，然後問：「咁妳又同妳個男朋友點？」 


「我......幾好呀。」 


「咁就好啦。」 


二人氣氛被這條問題冰封了，我繼續開口說：「我想問一樣野，其實想問好耐，但一直無膽去問。」 


「係咩野？」 


「點解......當年妳會接受佢？」