[平行時空下的結局]後香港小男人網上日記: Week33　Sun

Week33　Sun

今日，我俾老豆嚇親。

老豆話我哋今日提早做冬，於是一如既往，老豆叫埋肥叔叔同瘦叔叔兩個一齊嚟食飯，老豆之前成日話，做冬張飯枱都坐唔哂人就唔「老利」，所以咁多年嚟都有叫埋兩個叔叔一齊食。不過，今年多咗個人，=12ptAunite Hui=12pt。

食成餐飯，兩位半百嘅前度，竟然好怕羞咁唔多出聲。而我哋三個人就一味細聲講，大聲笑。

老豆响我哋食哂嘢之後，終於開口：「各位，我有事向大家宣佈。」





我哋三個立即歡呼。

老豆話：「我哋兩個決定正式復合。」

係！只係復合，我哋等咗好耐，睇下有冇第二句，但係冇囉！

我忍唔住問：「唔係再婚咩？」

老豆話：「唔係。」





「老豆，你唔係諗住俾返個名份人咩？」

「傻仔，我哋兩個咩年紀呀？結婚報稅就話有著數啫！而家都退休啦，有鬼用咩！如果兩個人嘅感情只係靠一張紙先承認，咁就唔叫感情啦！」

呢個時候，瘦叔叔問咗一句：「咁你宣佈嚟做咩鬼嘢啫？」

老豆竟然答：「冇，見做節搵啲高興嘢講下啫！」

我哋俾老豆呢個咁無厘頭嘅答案攪到冇哂聲出。