Week34 Mon

今日約咗Janet去旺角,雖然之前都有落過去,但都集中咗係我嘅「業務」區到行,不過今日,janet忽然興之所至,想欣賞下班街頭賣藝者。由於當時佢好專注咁睇緊表演,所以叫我餵佢食嘢,喺旁人眼中,我哋應該係一對熱戀中嘅情侶。 

如是者,佢有佢睇表演,我就繼續欣賞佢嘅少女特有嘅天真容貌。我係到諗,我何德何能令一個女強人係我面前做返自己呢?正當諗到入哂神嘅時候,Janet叫一叫我。 

「看甚麼那麼入神啊?人家面上有甚麼東西嗎?」講完之後仲特登拎咗塊鏡出黎照下塊面。 

「我…嗯…冇呀…覺得你真係好單純好可愛,所以望多兩眼咋麻。」



Janet再一次面紅,佢怕羞嘅樣實在殺死人啦。

「我上次話,你考慮好了嗎?」

「我…俾多少少時間我…」

其實無論係阿Kit抑或係Janet都已經表達哂佢地對我嘅心意,而家差嘅只係我嘅決定。其實愈拖得耐,傷得大家愈深,但我應該點做? 係今日走之前,Janet叫我聽日都唔好返工住,要帶我去一個地方,雖然我唔知去邊,但都應承咗。