一個咁美好既日子我又點可以令到自己好不爽咁起身呢?所以我就用左一個好舒服既既鈐聲做鬧鐘黎近接今日既小camp。

[叮]

「你終於到啦」傑說

「係囉,你成日都遲到」盈說

望一望手錶,原來我遲左成22分鐘,原因就係個鬧鐘實在無乜威脅力,反而令到我有繼續訓既感覺。所以就遲到,嘻。



「快D去食早餐啦,唔係唔夠時間架。」我說

「收皮啦你」曦說


「盈盈,咁岩既?」有條不明來歷既人講

「哇,咁岩既,好耐無見啦,嘻」盈依然笑著說

盈見到佢好似笑得特別開心咁,究竟係咪我既錯覺?


而我亦都好肯定個男仔對盈有返咁上下感覺,
見佢笑到烚熟狗頭咁,你話無野我真係唔信啦。

「盈盈,你地去邊?」條友問

盈你老味?乜撚野盈盈阿?佢叫林盈阿,叫到好似你條女咁
無可否認我係有D嬲既。嘻

「我地搞個小CAMP仔咋嚇。」盈說



「哦,咁佢地係你朋友?介紹下」條友又以一個烚熟狗頭既笑容對住盈笑

「好阿,佢就叫K,佢就叫傑,佢就叫豪,佢就叫曦」盈笑著說

「哈,你地好,我叫做峰」條友講

「哈,唔想知」我笑著說

「喔,佢講下笑架咋」盈笑著說

唔係WOR,我認真架WOR。。。真係唔想知佢叫咩名。。。

「好啦,咁我走啦,我班FD係戈邊。」峰說

「嗯,咁再見啦」盈笑著說



而佢準備轉身戈一下以敵意既眼神望住我,而我亦用返殺父仇人既眼神望返住佢。

而成程早餐我都無乜點出聲,應該係話無乜心情食先岩,因為我成程都係到諗,
條友究竟係邊個,點解盈見到佢就笑到咁開心,條友點解就成程對住盈笑到烚熟狗頭咁。我諗唔明,究竟佢2個咩關係。

「做咩阿K,唔出聲唔似你WOR」傑說

「無野」我答

「係咪因為條友唔知叫咩瘋既人出現?」傑說

「唔知」我都係無乜心情咁答

「唔洗乜條友咁煩阿,好明顯佢都無乜可以點同盈接觸到架啦」傑說



你又岩WOR,又唔同校,又小見面,應該無乜機會可以令到佢地感情增加架WOR。

但我諗返佢地2個當時既笑容依然都仲係開心唔到。

「喂,行快D啦,有車啦,快啦」盈開心地跳著說

「黎啦」豪說

而我亦跟住佢地跑。

1個半鐘既車程,全程我一路都好假咁扮開心同佢地傾計。

「好期待戈到入口既燒烤店阿」盈說



「小心食肥你阿。」傑說

「真係好好味,我真係好想食多次」盈說

「嗯,間野真係好好味」我說

就係咁樣無無聊聊傾計半個鐘計,由於我地實在太過早起身,所以佢地都選擇訓教,但我又訓唔著,所以決思人生。

而我就望住盈諗野,講明先阿拿,我唔係變態,只係我係到諗,究竟我地係咪真係好熟,究竟我係咪真係好了解佢,但點解好似連佢諗緊咩我都唔知。。。

而我又轉望返個風景,個景真係好靚,係而個城市,有幾可可以望到咁靚既景。

成程車都係咁負能量,但我又得出左個決定。

就係。



E幾日唔可以再咁負能量,唔可以影左PLAN左咁耐既行程。所以我決定E幾日做返個充滿正能量既自己,做返個成日笑到成個傻系咁既自己。

「哇,終於到啦」盈開心地說

「住左成個半鐘車程,屎忽都痛」豪說

「喂,快D拎D野入去間青年旅舍到先,好重阿」傑說

「行LU~」盈依然係咁開心地說

望住佢個背影,佢真係一個充滿正能量既女仔,好似完全0煩惱咁。有時真係好羨慕。

行左幾分鐘終於到左我地既目的地~

「小型Camp~我地黎啦」

就係咁我地開始左我地既小型camp。
已有 0 人追稿