《我遇上了我的夢想女生》: 第十一章

「個景真係好靚阿，你地覺唔覺？」盈問

真係好靚，係Ｅ到真係可以放鬆一下心情，成個真人真係舒適好多。

「而加幾點？好肚餓。」傑問

「你好似食左早餐無幾耐咋WOR，咁快肚餓？」我問

「咩阿，坐車消耗大阿，易肚餓」傑說



。。。。

「好似正係坐咋WOR..」我說

「唔好講咁多啦，戈到好似好多野食，我地快Ｄ好試下啦」盈說

「下，你都肚餓？」我問

「係阿，坐車消耗大阿，易肚餓」盈笑著說



「我都想試下戈到Ｄ野食，行啦，唔好咁婆婆媽媽」豪說

「哇好味阿」「快Ｄ試下Ｅ個」「哇，好貴阿」

就係咁，我地就每間店都試下，終於，我地食到好飽

由於我地戈頭都好近海，所以決定搵個海邊住下吹下風，飲下野咁

「好飽阿，又變肥婆啦。」盈說



明明頭先食得最開心係佢，食完之後又話好肥，究竟，係咪女人就係咁？

「你唔係頭先食得最開心戈個咩？」我問

「係阿，但係要付出代價，就係變肥婆」盈答

「你今次食唔食咁多都變肥婆架啦，都唔介意今次啦」我說

［啪］

「我真係好肥咩？」盈問

好的，我背脊係食左一下重擊

但點解你可以打完我之後問我係咪真係肥？



姐係根本既目的就係想打我啦。

幹。

不過盈本身又真係唔算肥既係我眼中，其他人眼中就唔知啦，因為我自己本身唔多偏向太瘦得條骨或太肥既女仔，盈既身形就真係岩岩好。

不過點解我話佢肥？

我諗每個男仔對住自己暗戀既女仔都會咁既，總係好鍾意搞下佢，串下佢咁。

「其實唔肥」我答

［啪］



「講唔肥你都打」我問

「你頭先又話肥，而加又話唔肥，」盈說

好啦，我係d天生比女仔恰既人黎。

「其實你地覺唔覺有Ｄ凍？」盈問

「又真係幾凍」傑問

「乜你地而加先發覺？」曦問

我望住盈個身震哂，雖然我又真係覺得有小小凍，但無理由望住佢凍到咁都唔比件外套佢著掛，更何況我天生比其他人防寒勁。

「拿」我遞上左我件外套比盈



「唔該哂，不過你唔凍架？」盈邊穿邊說

「你唔好唔記得我天生防寒係比你地勁」我說

「係，坐你隔離成個學期都知啦，次次返到學校都要開風扇，搞到我要著冷衫。」盈說

可能就黎入黑既關係，Ｄ風真係吹得特別勁，所以我就決定返去青年旅舍到食埋個夜晚就返去訓。