《我遇上了我的夢想女生》: 第十三章

去完個輕鬆小camp之後，我就變到唔可以再輕鬆落黎，因為黎緊就係個籃球學界賽，雖則我地學校唔係咩強隊，但今年絕對有機會爭取出線既機會。

「拿，而個就係今年我地既賽程同要賽既學校，今年我地絕對有機會爭取出線既機會。」隊長說

無錯，的確除左有間上年既頭４係我條線之外，都無乜話太勁既學校。但當我注意到第二間學校戈陣，我見到盈上年既學校－畢正中學

［拿，個名我ff出黎架咋，如果現實真係有e間學校既話，絕對唔關佢事。間學校我ff出黎架咋。］

冤家路窄。。



「好啦，睇完既話埋黎熱身準備練波啦」教練說

絕對唔可以輸比佢。。。

「哇，勇你做咩積極左咁多？」練完波時教練問

「乜你既球員積極唔好咩？」我笑著問

「當然好，不過你點積極都會仲係咁廢。」教練笑著說



E個教練，成日開口埋口都叫我地廢物，佢表面上係係露出唔多點理籃球隊，的確佢真係唔多點理，但其實佢心入面都好想我地進步，佢表面上好似唔多介意出唔出到線，但佢心入面就好想我地可以出到線，佢的確係咁。。。

「收皮。」我說

成隊入面，我敢講，我肯家係比佢叫得最多次廢物戈個。但我諗佢都好想我進步，
因為佢成日都叫我練多Ｄ，出去打多D波，唔好再咁懶。

「成187CM都入唔到樽，我以前180都入到啦。」教練說

教練唔係吹水架，佢以前真係好鍾意打波架，成日做gym操fit自己，真係可以入樽架。



「遲早飛起身請你食J」我答

「睇下點」教練笑著說

練完波當然唔係就咁算，我走左入去個健身室戈到開始做體訓，

的確我以前係唔會咁做，但而加唔可以唔做，因為隊中已經走左幾個高佬，所以而加無乜高佬，加埋我都只係得三個。

所以我不得不變強。



［叮］你有一則信息



「喂，你地近排有咩做？」盈問

「無阿，仲有10幾日假期，都唔知有咩做」豪說

「你地有冇旅行去？」盈問

「返大陸算唔算。。。」傑說

「傻仔傑要返大陸，笑死」豪說

「講到咁把炮，咁你去邊阿」曦說

「我返鄉下呀屌你T.T」豪說

「頂，仲已為你有幾勁。點知仲衰過我」傑說



「咁勇呢？」曦說

「唔洗理佢啦，佢而幾日唔係去健身就係去練波，應該唔得閒理我地」傑說

「做咩Ｑ野突然變到咁勤力呀佢？」豪問

「點Ｑ知佢。」傑說

當然，我日日咁操自己既另外一個原因就係我唔知峰既實力，為求達到要嬴，所以我就日日去操自己。嘻。