《我遇上了我的夢想女生》: 第十四章

尖～尖尖尖～尖～尖尖尖～尖～

大半個月既假，人地話過完之後會令自己更輕鬆。但我就話，我仲攰過返學之前。幹。


返到學校又見埋佢地４個，但係就唔見盈。

唔係重色輕友呢，只係見到佢地４個順便睇下盈係唔係到姐。。

好啦，我認我係搵左盈係唔係到先。。。



但不過我返到學校既時候已經係夠鐘臨界點黎架，佢仲遲過我咪姐係佢會遲到？不過都唔出奇，佢一個學期可以遲34次就知咩事。

［呯］

「嗄，老師，唔好意思我又遲到。」盈說

其實都已經遲左到啦，點解佢仲要咁趕要撞門入黎呢？

「林同學，你知唔知本身你可以做到優等生架？但就係因為你遲左34次到而比人降左落中等生到阿?」Miss Lei說



「唔意外阿嘻嘻，我上年都係因為遲到要比人勸轉既。」盈說

勸轉，好聽d就話叫你找個比較適合自己既環境，難聽d就係踢你出校。。。

「一段遲17次，全校之冠，你真係要改改佢。。」Miss Lei沒氣地說。

其實係我眼中，盈並唔係無缺點，佢係成日都唔肯起身既人，所以如果約佢朝早出街既話必定會遲1，2個鐘。。

「喂，勇，見返我唔開心咩，做咩咁既樣？」盈說



「唔好提啦，唔係練波就健身，返到屋企仲要比佢地逼我同佢地打機打到４，５點，你見我仲坐係到就應該要相信真係有奇蹟E回事。。」我說

「係WOR，聽峰講，！！」盈仲未講完我已經彈左起身望住佢。

「哇，你做咩突然彈得咁快？嚇死我」盈說。

「無野，你繼續。」我說

「聽峰講你地學界同線，仲要係下星期賽。」盈說

「係阿，你想邊隊嬴？嘻」我笑著問

「唔知阿，不過聽佢講話佢定既士氣好高，一定要出線。」盈說



士氣高？咪同我一樣，我地而加成隊既士氣都好高，嘻。

「問非所答。」我說

「嘻」盈笑一笑。

而我就係半昏迷既狀況下過左成日，連中午拿都無食係課室到訓教。

［叮～］

「又到左放學既時候。」我彈起身講。

「做咩突然咁精神？你今日唔講以為你昏迷左。。」盈說

「練波LU~嘻嘻。」我說



「曦，快Ｄ啦。」我說

「洗唔洗咁趕阿，你頭先仲係昏迷狀態架。」曦說

「熱血MODE!!!」我大叫

「條友痴撚左線。。。」傑說

「佢不嬲痴線架啦。」豪說。

無錯，班主任一開始戈陣話一個學期調一次位，而加李生係唔記得左，姐係我可以坐盈隔離坐多一個學期。

但點解其他人都唔出聲？我諗只有幾個月原因。



唔想咁多事／坐到慣左。

我諗啦，嘻。