《我遇上了我的夢想女生》: 第十六章

賽完波既下一個返學日，我係要以比平時早起１個鐘。因為我行動非常之慢，仲加上我要拎住支柺扙黎行路，所以係非常慢。

「喂，Ｋ，無野下話？」傑說

「無野，不過好彩柒之前都型下入樽。」我笑著說。

「係WOR，琴日場波嬴定輸。」我問

「。。輸左」曦說



「輸幾多？」我問

「６３比６４。。」曦說

「輸１分好唔抵阿。。」我灰心地說。

「最後２秒隊長絕殺，５５比５４」曦說

「咩話？咁姐係我地嬴阿？」我興奮地說



「而我交出９分８助攻，隊友２３分１５板３助攻，你就１１分９板４助攻」曦說

「頂你FAKE Q我?」我說

「係阿，點阿，衝過黎打我阿」曦說

「頂你恰我個單腳佬。」我說

代表住，我地只要係黎緊既比賽唔好再輸就可以出到線，但我諗黎緊戈２場我都打唔到架啦唉。。。因為醫生話雖然傷軟骨唔係太大問題，但係唔等佢100%好返既話就會好愈來愈嚴重。



［呯］

我諗唔洗我講，好明顯就係盈返到學校啦，而爆門入課室我諗已經係佢既指定動作。

「HEY，勇，竟然返到學？隻腳有冇事阿？」盈問

「斷撚左。。。」我說

「下，真係架？咁咪好痛?」盈問

「。。真」我說

「咁你點解仲返學？係屋企抖啦」盈說

「因為我FAKE你囉，哈哈」我笑著說



「頂」［啪］盈講都未講完就一野拍落黎，頂。

「唔彩你阿。」盈轉頭比個後腦我睇。

「喂，唔好咁，喂。」我一路搖佢一路叫佢

而佢，真係好狠，佢係成日都無彩過我。

［叮～～～叮～～～］

終於到捱到放學，盈今日成日真係唔彩我。時間過得比平時慢。。。而佢成日都請我食佢個後腦，一眼都無望過我。。。

今日係練波日，但唔打得，唯有去睇下阿，所以我就落去睇佢地練波。



「勇，隻腳點阿？」隊長問

「無咩，傷左軟骨囉，醫生話要最小２個星期先可以打返波。」

「咁姐係黎緊戈２場比賽你都打唔到？咁好啦，你自己好好休養啦，唔好比隻腳惡化落去啦」隊長說。

「手好痕阿，我好想打波阿～～～」我係休息室戈到大叫。

而換黎既就係成班既笑聲，笑乜春，有咩好笑。。。