《我遇上了我的夢想女生》: 第十五章
今日星期日，無錯，又到左我地賽波既時候，我而加神咁早起身同曦一齊食早餐一齊出發去到賽場到，一去到我地就可以開始熱下身，之後落去熟悉下個球場先。
但話哂都係第一場比賽，我地都係未習慣，所以我地狀態未必會發揮到100%，，不過我地都係盡力打。
講講下盈都到埋球場了，佢同我SAY左個HI之後就坐底左。
［咇，仲有三分鐘］＠說。
「好，你地過黎。」教練說
「今日你地係第一場賽波，唔洗緊張，盡力D打，諗返我地今年咁辛苦練波係咩，我唔一定要你地嬴，我但只係想你地落到場就博命打。OK?」教練說
「好，先發，１號位曦，２號位光，３號位國，４號位勇，５跑位康。就係咁，多Ｄ運用下戰術，如果對面守聯防既就曦叫聯１２３４，如果係釘人既就釘人１２３，防守第一節我要用全場緊逼，令到你地熱左身先，防守我要半釘聯，記住唔好貼上去，要補防，OK？」教練說
「OK」
「黎啦，增加士氣先。１２３大叫華道。」隊長說
「１２３華道。」
而係開波戈陣我地都係握上手之後就跳波，不意外地峰的確係先發，但我同佢既身高相比，佢係高我小小，咁佢會唔會打５號位。
諗諗下＠已經飛起左個波，差Ｄ發夢發到唔記得自己比緊賽。
咪住先，原來峰都係打４號位，咁姐係我要同佢鬥出高下都幾易下，因為同位。
而跳到波既就係畢正中學，所以我地立即回防，佢地打法比較以突破分波為主，但佢地好似無乜點叫戰術，而的確，佢地既身形係比我地大隻小小，速度又係快我地小小，所以基本上今場都係一張硬仗黎。
一講完對面後衛已經衝到埋黎籃底，要即刻補防，我立即上前舉手，點知對面後衛一野後手傳波，我頂，仲要傳到咁到位，一野比左峰射籃底，畢正２分得手。
而我地都即刻快落攞位，我同曦先做個PICK，而康就幫國做一個無波PCIK，而曦就立即傳波比國，國即刻起手，呯，彈框。
我同康即刻衝上去搶個板，當然對面亦都要拎防守籃板，我地又點會夠佢地快，佢地搶左波係即刻退返中場係中場做返個半場緊逼。
條峰係我面前一直卡位，我又一直同佢鬥卡，好似講緊比我知佢係都要鬥嬴我咁。當然，比賽就係咁，但我都唔會係一盞省油既燈，佢邊會卡得咁易？
一唔小心比佢接到隊友傳比佢既波，但屌，＠點吹架？條友企左係油漆區到成5秒都黎啦，吹啦頂你。
而峰面到內線單打，咁就要睇下你既腳步好，定係我既防守好，但我頂你個肺，你BOM我還BOM我，咪起爭先得格頂你。
而佢一個轉身DOUBLE FAKE FAKE開左我，但我都講左我唔係一盞省油既燈，所以我用左手既４隻手指岩岩好一野拍走左佢既波。
「WOW」 「BLOCK得靚阿12號仔。」
好多歡呼聲，的確，我係暗爽中，爽既原因並唔係因為我BLOCK完人聽到好多歡呼聲，而係我BLOCK到峰，仲要係盈面前。
而我BLOCK完之後我即刻搶到板，一野長傳比快落既隊友，而我就一野爆上去。雖然內線比較以拖車為主，但係有時快攻，邊個夠快就邊個上架啦。
但個峰就好似隻狗咁貼住我，係我快跑到三分線戈陣曦一野傳比我，傳得超靚，我拍左２下之後一野傳身左手勾手上籃，２分得手。比分２－２
「做阿，全場緊逼阿。」教練係場邊大叫。
吱，吱吱，吸，就係係呢Ｄ既聲下我地渡過左２節，而我地上半場既一路都打到好激，而完左上半場既比分係３８－３９，我地輸緊１分。
「咬緊牙關，好好打埋戈下半場佢。」教練說
「我明好攰，你地成個上半場都打得好好，我知你地好多人都爆哂計。但唔該，堅持埋佢，佢地既優勢大過我地，而加完輸緊１分，你地做得好好架啦，落場戈Ｄ，唔入唔緊要，即刻做返好個回防就得，唔好比佢拉開分數差距。」教練說
「仲有就係，我知你地盡左力，輸左波都唔緊要，我明你地盡左力就得架啦。仲有勇，小心你對位條友既爭，保護好自己。」教練說
「嗯。」我說。
「好啦，黎啦，１２３華道。」隊長說
「１２３華道。」
「華道～～～～」「畢正～～～～」
Ｅ場比賽，無論對我地學校，定對佢地學校，都係一場好重要比賽，想出線就唔可以輸第二場，而我地一定會輸比我地既同線勁隊，本身間學校已經係４強學校黎，但上年亞軍既２大主力一齊過左去。所以間學校實力大大增加。
而係第三節仲有２分鐘既時候，峰背住我卡位。佢又用一個腳步FAKE起左我，但佢再一次被人BLOCK，而BLOCK佢既並唔係我，而係康，我見到即刻衝去快落。
而康即刻傳落黎，當時峰都即刻回防，
雖則我係一個４號位，但我既控球係足以支持到我快攻，所以我一野控去上籃，到左籃底我一野全力起跳，而高度亦足以夠我入樽，我以右手向上入樽。
碰，２分得手，４８－４６，終於領先２分，但係岩岩好我入樽既時候峰想衝過黎BLOCK，以入樽減左速度既我黎講，佢一定衝擊力大過我，而佢係一野撞埋黎。
咇，峰，犯左規。
啪，［而一下聲，係我落地戈陣我聽到我隻腳發出黎既聲，諗返起都有D恐怖。］
碰。
佢撞埋黎戈陣我以右腳成直線咁直插落地。
「呀～～～」我抱住右膝叫。
當時我係到諗，我會唔會斷腳。
而隊友即刻衝過黎睇下我點。
而隊長即刻鬧峰「痴線架你，明知２邊都係最高既速度你都仲係要衝上去，你知唔知後果係點架？知唔知好撚危險架仆街。」
而我地隊既校醫即刻趕過黎，教練亦即刻拉走佢，因為以咁峰做完咁危險既動作再加埋隊長既性格，佢２個一定打架。所以教練一定要拉走峰。
「你而加試下起身行唔行到路」校醫說
「唔得，我用唔到力」我痛苦地說。
「以我既觀察黎講，應該只係傷左軟骨，並無傷到韌帶，都算係不幸中既大幸。」校醫說
都算係既，成隻腳直插落地，右腳仲要係我既弱，肌力無左腳咁大，所以都算係不幸中既大幸啦。而我被逼離場送去醫院檢察。而隊長就替射罰球。