《我遇上了我的夢想女生》: 第十八章

係E段時間入面我最驚既唔係到時應該搞唔搞得成，而係我驚盈身邊既朋友最後忍唔住口同左盈爆響口，所以E段時間我都一直留意下盈有冇D不尋常既舉動。

係唔知既人眼中一定會以為我係一個變態。。。

不過最後好彩盈都係唔知，所以係E段時間我地既秘密佢一直都唔知。

「喂，勇，做咩近排一放學就即刻返屋企？搞緊咩？」盈問

「。。。」



你叫我點答。。唔通我同你講我要即刻返屋企練吉他咩。。。

「喔，近排積分就快結算，所以我地要快手D打上更高既牌位。」傑說

咩阿，明明岩岩先過左一半，哪來的就黎結算。

不過都係因為佢我先可以脫難。

「喔，係呀，唔同你傾住，我要快Ｄ返去先。」我說



於是我就急急腳返屋企學結他。

時光無多，我求求其其上網睇左結他指法速成班我就一野學首歌既指法。

識唔識？屌你緊唔係唔識啦。所以我就係靠死記黎背指法。。。

每日就係重重覆覆咁樣學放即刻狗衝返屋企練吉他，真係就黎變到成個傻仔咁。。

終於到左盈生日戈日，我神7咁早起身試彈一次，完美。所以我就開始執野出發。



吉他齊，歌詞，背好，蠟燭，準備好。一切準備好哂。出發。

坐車坐左成個鐘成個屎忽都痛到唔識形容既情況下，我終於去到沙灘佈置。真係不敢想像等陣仲要坐多2次我個屎忽會變成點。。。

當然我簡既位於唔會咁近燒烤出入口戈頭，唔係容乜易比佢發現到。

搞完一輪終於夠鐘去接佢啦，所以我又要坐住架死人巴士去接盈。

［嘟～］
「我到左啦，你可以落黎啦。」我說

「OK，我而加落黎。」盈說

盈落到樓下以一個沙灘LOOK去，再加埋一個小背囊。



「勇，行得啦。」盈說

「個背囊咩黎？我幫你拎阿。」我說

「喔，好，唔該，無乜野，我諗去沙灘你地都會玩水，所以我咪帶定Ｄ衫阿戈Ｄ。」盈說

「喔，原來係咁。」我說

係戈成個鐘頭車程入面我個屎忽仲係超痛，雖然盈係身邊時間過得算快。但真係好撚痛阿。。。

終於比我捱到去到沙灘，真係好撚辛苦。。。


「到啦～」傑說



「哇，你咁都發現到，真係好勁阿～」我假裝驚訝地說

「頂你啦」傑舉著中指說

「搞掂好哂？」我細細聲地問軒

「搞掂好哂。」軒說

「thx~」我說

而我地就開始一連串既燒野食，燒完就我地班男仔落去玩水，女仔就留係個爐到吹下水。
到左有小小餓戈陣又上返水食下野，食完野又落去玩下水。

但其實我真係唔明點解我地由開始到而加仲有3-4個鐘，班女仔仲係可以有咁多話題傾。。



經過左5-6次上水食野落水玩之後，終於到左７點，就係我地任務開始既時候。

我緊張到個心既跳動係仲勁過我跑完步既時候。

「都差唔多時間啦，不如果我地玩埋最後戈個遊戲我地就開始切蛋糕啦。」軒說

「好阿～～」