《我遇上了我的夢想女生》: 第十九章

「好啦，而到有咁多封信，而加你地就每人抽一封黎睇下你今次既遊戲既partner係邊個」軒說

當然，為左令到一切被盈認為都係巧合，所以我地係記得哂信既位置，如無意外我係會同盈一組。

「我D組」我說

「我都係D組WOR，咁岩既，嘻。」盈說

其實一D都唔岩，嘻。



「大家都分好哂啦，咁我而加介紹一下遊戲既玩法。」軒說

「今次既遊戲算好簡單，亦算好難，我地放左Ｄ物品係D沙到用D沙埋住。我地限時30分鐘，邊隊搵得最多邊隊就算嬴，30分鐘我就會用Ｅ個大聲到可以連城市都聽到既小喇叭話比你知夠鐘，咁你地到時返黎就得架啦。」軒說

乜野物品乜野用沙埋住，根本就無EＤ野。嘻。

「咁遊戲開始啦」軒興奮地說

一班人分散咁狗衝出去沙灘到，當然佢地既目的地只有一個。



「你諗去邊到行先？」盈問。

「不如戈邊阿。」我指著目標方向。

「好阿，咁行啦。」盈說

行左差唔多４，５分鐘後，終於到左。。

「哇，我見到有野阿。」盈一齊衝過去。



而我就跟住佢。

「不過咩黎，好似係Ｄ圖案黎」盈說

就係佢講完既時候，我一野點著個火機，蠟燭就一盞一盞咁樣著左，正係E舊野都用左我地成個鐘，真係把炮。

當然，蠟燭圍成出黎既圖案係一個心形。

而係蠟燭著左既時候，班FD就拎住我地準備好既野行出黎，當然唔小得既就係結他。

「哇，搞咩阿？」盈問

而傑就遞上支結他比我，我就開始用我D唔多標準既普通話自彈自唱，仲要扮哂自然咁，但其實我緊張到想死。
「盈，曾經有段時間我係認為我既中學生涯入面唔會遇到我心目中既女仔，但直到你出現之後我先明白原來上天對我好好，而個天比我既唔單止係咁小，佢仲安排你坐我隔離，去台灣既名額只係得２個都可以中左我地２個，仲安排你變成左我地既好兄弟，係E段時間我發現我已經係鍾意左你，所以你嬲我戈一日我係覺得成個世界過得好慢，戈１日返學就好似返左１年咁，係戈一刻我先發現原來無左你係我身邊我係會驚，我既日子係會過得咁單調咁沉悶，所以我唔想無左你，你可唔可以做我女朋友？。」我說

而係我講緊既時候我發覺盈已經眼濕濕，而E一刻我既心情就好似籃球比場最後0.5秒落後2分，但我地仲有２個罰球既機會，而射罰球戈個就係我既一樣。

緊。張。到。爆。



係E一刻，我伸出左我隻右手，而等待盈既下一步。

卟卟～卟卟～卟卟～

我個心跳得好快，係Ｅ一刻個世界好似突然停止左轉動一樣，成個畫面係HOLD住左。

過左無耐盈亦都一路甜笑一路伸出左隻左手拖住左我隻右手，而我既E一刻我係興奮到大叫左出黎

「YES!!!!!!!!!」我興奮到叫左出黎

「WOW」「勁阿阿勇~」而身邊既朋友都為我感動開心。

「你真係肯做我女朋友？」我問

「再問我就反口架啦」盈甜笑著說。

「喂，兄弟們，做野～」傑大叫

頂，條死仔想搞咩乜春？

於是成班就好似班喪屍咁樣一野抬起我地一野拋我地落水，但我地隻手，依然無分開過。。

經過左咁興奮既一日，終於完啦，於是我就送盈返屋企。

「第一次拖住你隻手送你返屋企」我笑著說

「咁你就要捉實D啦。」盈說

「我一定會～嘻。」我說