【猴年血腥】《拜完年，我畀狗咬死左》: 4. 十世修為的第九世 (7)

除了初初相識的回憶，我的腦海還不停地，冒出兩人相處的片段。
 
「計埋今日，我已經追左妳三個月喇。」我苦苦地對妳說，「比次機會黎丫。」
 
晚上，我倆坐在公園，滑梯上面的暗角。
 
「咩機會？」孫宣故作不懂。
 
「攰既時候，挨住我膊頭休息一陣。」我凝望她疲憊的臉。
 




「仲有呢？」她問。
 
「唔開心既時候，挨住我膊頭休息一陣。」我說。
 
「仲有呢？」她再問。
 
「受委屈既時候，挨住我膊頭……」我繼續說，卻——
 
她斜下身子，把頭靠了過來。
 




——我頓時，瞪大了眼。
 
頭髮的香味與質感，頭部的重量，愛人的重量，都扛在我的右肩上。
 
盈淚滿眶，咩事啊？
我係咪……得左喇？
 
「仲~有冇？」她偷瞄我一眼。
 
「唔好意思。」我左手擦淚，擦左眼，抹右眼。




 
右手、右手、右手應該——
 
「喂，你講既一陣，即係幾耐？」她跳皮追問。
 
「咩一陣啊？我頭先係講一世啊。」我糾正她，左手輕掩雙眼。
 
「咩呀？」她不滿地抬起頭來。
 
——右手，一撈，按回我的肩上。
 
「邊個比妳走？」我壓聲問。
 
「懶~型。」
 




最後，惹得她莞爾一笑。
 
 
如今，淚仍在流，左手仍然掩住眼睛……
 
然而我倆已是陰陽相隔。
 
 
「一陣投胎之後，就會冇晒同妳一齊既記憶。」
 
回憶像要竄逃出來，不受控地把畫面呈上。
 
「過幾日就會天氣轉凍，我織左條紅色頸巾比你，你睇下鍾唔鍾意？」妳雙手遞上一個紙袋。
 
「鍾意。」我答。




 
「你都未睇！」她不滿敷衍。
 
「妳織既頸巾喎，我點會唔鍾意？」我反問，趕緊拿出來拼拼。
 
「戴下佢。」她要求，嚴謹得像個服裝設計師，「睇下好唔好睇。」
 
「揀紅色係因為，年年聖誕節、新年都啱戴，夠晒『喜慶』，襯晒你。」
 
於是，我在頸上亂綁了個蝴蝶結。
 
「你快啲拆返落黎，再綁過。」她受驚了，手足無措。
 
這一次，我正經地圍了一圈後……
 




卻又圍她頸子一圈。
 
「喂，你……」她未說完，我們已綁在一起了。
 
我雙手攬住她，久久不放。
 
一會兒後。
 
「喂，你仲要攬幾耐？」她好奇，悶在我的胸口很久了。
 
「唔係啊，我係……解唔開啊。」我難色地說。
 
「咪玩啦！」她立即掙扎。
 
「哈哈……哈哈……」我忍不住笑了。




 
哈哈、哈哈。
 
在昏暗的房間中，我獨個兒在傻笑。
 
笨蛋，我現在回憶這些是想幹什麼？
 
怎麼辦……
 
愈來愈不想死了。
 
 
「點啊，諗成點啊？想要啲咩能力咁啊？」恭子逞熱情地回到房間，雙手端著一個寶箱盒。
 
門口閉上後自動隱去。
 
「我……」我吞吐難言，一時難掩淚痕。
 
「又喊呀？」他察覺到，把寶箱放在木桌上，「不過，人之常情黎既。人之所以為人，正因為有七情六欲。」
 
「未飲孟婆湯既你，係會受到哩一世既記憶困擾。」他抽起白色手袖，露出一個右腕上的手繩連名牌，然後碰在寶箱的金鎖上。
 
「不過呢，一陣你飲左孟婆湯之後就會好好多架喇。」
 
閉上眼睛，集中精神，直至聽到「咔嚓」的開鎖聲。
 
「哦。」我輕聲回應。
 
恭子逞熟練地打開寶盒，裡面整齊地放著八個正方形印章。
 
大小，如同皇帝的玉璽。
 
在盒內分兩行排列，每排四個印章。
 
「咩黎？」我問，收起淚眼。
 
「一陣你就知。」他神態自若，用力按下一個印章，然後抽起。
 
我偷看一眼，盒底是一個紅色印台。
 
「依加，我地就打開第二間房既門，嗰度係比你抽命同投胎既地方。」他釋述。
 
「你準備好啦嘛？準備好既話！」他問，再來就是——
 
雙手用力，把印章按在地上，留下紅色的「門」字。
 
他退後兩步，連同正方印章。
 
隨即——
 
「震……震……」一道散布陰氣的巨大鐵門，從印章的紅字冒起，宏偉地豎立於眼前。
 
「啵——吱——」鐵門自動打開，流出重重霧氣。
 
「到底，一陣會發生咩事？」我不禁緊張起來。