[有沙入眼]是咁的，我嘅職業係幫想自殺嘅人寫遺書: 8.我唔明

嗰陣時嘅我，仲係一頭霧水

其一我唔明做乜鬼要去迪士尼

其二係佢約我嘅時候咁爽快，點解偏偏到要求遺書內容嘅時候就扭扭令令

算啦，同靚女去街，何樂而不為？

不過我始終係小人，講明：「我無錢入場架。」

「我做援交嘅，識規矩。錢咪係我出咯，反正帶唔入棺材嘅。」

就咁，我地約左第二日見面

而我就糊糊塗塗咁，比個援交妹包我一日