[有沙入眼]是咁的，我嘅職業係幫想自殺嘅人寫遺書: 9.迪士尼
第二日兩點幾，落堂之後我就去左迪士尼
阿may都好準時，2點9就到門口
佢著左外套，同一件低胸連身裙，沿途回頭嘅麻甩佬有十幾個
佢見倒我，又係好熱情咁揮手，走過黎摟住我隻手就行
「拿，比個銀包你，當你比錢。」佢塞左個放左好多五百同一百蚊紙嘅黑色真皮銀包比我
我發現，個銀包係新買嘅
我去櫃檯買飛，雖然我實際上用緊阿may錢，但係外人睇就會覺得係男人比錢
「你都幾識保住男人塊面皮喎。」
「碎料啦，哈哈！」
然後，櫃檯小姐問左一句，阿may就即刻無再笑