[有沙入眼]是咁的，我嘅職業係幫想自殺嘅人寫遺書: 34.尋死嘅決心

冬姐嘅親切程度，就好似晨運嘅老人家咁

或者話佢似一個錫孫仔嘅長者，更貼切

「囝呀，你今年幾大？有無女朋友呀？」

「廿一，曾經有過。做咩？冬姐你嗒我糖？」

「啋咩，你無就阿姐介紹個過你炸！」

明明第一次見面，但係我地已經有講有笑

外人睇，可能會以為我地係兩母子

不過，外人睇唔出，冬姐佈滿皺紋嘅笑容之下，埋藏住尋死嘅決心