[有沙入眼]是咁的，我嘅職業係幫想自殺嘅人寫遺書: 35.理所當然
搵我嘅客人，基本上可以大約分成幾種情緒反應
比如傷春悲秋咁款，比如難為情，比如嬲嬲豬，比如夾硬扮開心笑，扮睇透世事等等
但通常呢啲人都唔會真係去死
反而嗰啲無咩特別情緒，平時係點就係點嘅客人，先係會自殺嗰種
而冬姐，就係呢一種
我見過好多人，決定自殺嘅時候，就會失落、傷心、憤怒，諗好多野
但係冬姐並無因為要尋死而有任何多餘情緒
就好似將自殺當做落街市買餸，翻屋企煮飯，食完就洗碗咁，理所當然
無人會因為太陽昇起而傷春悲秋
自殺就好似太陽落山一樣，所以冬姐好自然就將自己嘅故事講左我知