[有沙入眼]是咁的，我嘅職業係幫想自殺嘅人寫遺書: 139.無喎

miki送完我，就自己翻左去

翻到屋企，實在太攰，沖涼訓教

星期日起身，已經兩點，我拎翻豪仔封遺書出黎，睇最後一次

miki講得無錯，豪仔係唔正常

用繩環住自己條頸嘅時候，佢到底諗緊咩？





為左救人而自殺，我唔知道值唔值得

但如果，豪仔覺得值得，咁就夠

我望向收錢嘅時候收埋嘅九十九個紅色心心，以後每一年，要寄一個出去

我拎起打火機，準備燒左封遺書

手機鈴聲響起，邊個呀頂





「喂？」

「無喎！無喎！」係miki

「咩無呀？」

「無人捐心比阿浩喎！」

咩話？