[有沙入眼]是咁的，我嘅職業係幫想自殺嘅人寫遺書: 140.邊有咁快
原來琴晚婚宴之後，經過一大輪舟車勞動，阿浩心絞痛入左院
由於及時送到醫院，所以暫時無生命危險
點解miki會搵倒阿浩？話說佢琴晚送完我翻屋企，竟然自己翻左去婚宴場地，因為佢想將豪仔件事講翻比一對新人知
豪仔就係唔想佢地知，想做無名英雄
點知miki去到發現有救護車，阿浩就喺親戚嘅保護之下被送左入院
miki跟住去醫院，但係佢同阿浩非親非故無得睇咩事，於是今日先再探阿浩
「你係？」
「我琴日有飲架，見你送黎醫院有啲擔心。」
「有心喇，我成日都咁，個心有事。可惜仲未搵倒心臟移植。」
「大佬呀，豪仔琴日先死炸，邊有咁快呀！」我即刻鬧miki一鑊