[有沙入眼]是咁的，我嘅職業係幫想自殺嘅人寫遺書: 156.贏左

佢坐左喺醫院內建嘅公園仔度，坐左好耐，見倒有個廿幾歲嘅男仔走過黎

「你⋯⋯有事唔開心？」個男仔行近左，先發現原來佢係豪仔

傾左一陣，佢同豪仔講：「醫生話我最盡得翻一個月命。」

「係⋯⋯呀？我都得翻一個禮拜命。」佢望下豪仔嘅西裝，點都唔似重病

「因為，我要自殺喇。」豪仔笑住講





「點解？」

「我要捐個心比一個男仔，佢係我最愛嘅女仔最愛嘅人⋯⋯」

「咁咪即係情敵？！情敵你都救？」

豪仔托一托眼鏡，耷低頭：「佢死左的話，個女仔會好傷心。」

「你死呢？你死個女仔就唔傷心喇喎？」





「都傷架，但係個男仔救得翻，佢地就幸福快樂喎。我就算唔死，都比唔倒嗰種幸福佢。」

豪仔抬起頭，陽光好似射光燈咁，令佢嘅笑容更加燦爛

視線變得模糊

「咦？點解你喊？」

「感動囉。我從來無見過好似你咁嘅人。好，我都去登記捐自己啲心肝脾肺腎出去。」





「你都好好人喎。」

「邊夠你好人。係喇，你叫咩名？」

我？我叫豪仔

然後，阿浩就醒左，捐贈者嘅心臟，已經好穩定咁喺佢體內跳動緊

無排斥反應，手術成功

聽聞，人心入面都有記憶存在

阿浩話，佢見到嘅一定就係捐贈者生前嘅記憶

嗰一刻，向來好少有情緒嘅我，竟然有啲鼻酸





「豪仔⋯⋯贏左⋯⋯」我無辦法控制自己唔講出口

我望向miki，佢向我點點頭：「係呀，豪仔佢⋯⋯贏左喇⋯⋯」