[有沙入眼]是咁的，我嘅職業係幫想自殺嘅人寫遺書: 157.改寫悲劇結局

我都係今日先真正明白，少林足球入面句：「唔緊要，你個人行開左姐，你嘅精神永遠都會喺翻度。」

人嘅惡意絕對可以將所有野毀滅，阿伯已經做左個例子出黎

但係豪仔，改寫左悲劇嘅結局

「等我收豪仔入我個超人名單度先。」miki拎左本筆記出黎，抄低左豪仔個名

「佢一定仲喺天上面守護緊阿嵐同阿浩嘅。」





嗯，我而家信喇

我拎翻豪仔封遺書出黎，燒左佢

「點解要燒？」

「只係同客人分別嘅儀式，係我嘅習慣黎姐。」

我諗翻起啱啱阿嵐同阿浩流嘅眼淚，對佢地黎講，豪仔嘅心意，已經入左骨





白煙飄揚，與虛空相融

豪仔，你成功左喇