[有沙入眼]是咁的，我嘅職業係幫想自殺嘅人寫遺書: 171.所謂欺凌
「改變佢啲同學點對佢唔係一朝一夕嘅事黎架！如果啲同學接受翻佢，但係希仔已經死左，佢咪感受唔倒囉！」
言下之意，就係要希仔留翻條命，等蝦佢嘅人改變
我唔中意辯論，亦唔中意同人嘈，因為我講嘅野入唔倒佢地個心。嘈，又有咩意義？
希仔未來感唔感受倒同學嘅善意，係未知之數
阿文憑咩覺得，只要時間夠長，班同學會改變？
欺凌唔係一對一，因為一對一仲可以反抗
欺凌係多對一，反抗的話，會比多方面嘅力量搞得更慘
所以一旦成為眾矢之的，唯一可以做嘅，就係抱住頭忍耐，直到人地玩厭為止
不過，幾時先會玩厭？