[有沙入眼]是咁的，我嘅職業係幫想自殺嘅人寫遺書: 172.對付異類

啲人成日話小朋友天真無邪，嗰種小朋友，係牙牙學語嘅bb

小學生嗰種小朋友，已經識講粗口，上thisav

真係咁天真無邪的話，小學就無可能有欺凌

然後欺凌一方嘅父母就會話：「細路仔玩下姐，無心嘅。」

係無心定有意，欺凌者最清楚





記得小學嘅時候，有個同學成日流口水，就比人叫口水怪叫足一年

人，天生就識得召集群體對付異類

一班瘦嘅人會排斥肥仔

一班蠢嘅人會欺凌聰明人

只要同身邊嘅大群體差太遠，就會成為被對付嘅對象





「媽咪話做人要有禮貌，做乖仔就無人蝦。呃人嘅⋯⋯」

人地揀你做目標，只係因為你肥

就算你幾乖，都改變唔倒

而已經成為目標嘅肥仔，就算瘦翻，都仍然係目標

當然，我無咁同希仔講