[有沙入眼]是咁的，我嘅職業係幫想自殺嘅人寫遺書: 197.希仔嘅錄音

我同miki講，你始終唔係佢父母，你無辦法比倒父愛同母愛佢

「我知⋯⋯我真係知架⋯⋯」

「希仔分得好清楚，或者係小朋友嘅直覺啦，佢知你還你，父母還父母。」

我拎左電話出黎，開左wtsapp

「雖然你比左另一樣野希仔，佢都有野同你講。」





我㩒播放之後，車廂內又出現翻希仔嘅聲音

「miki姐姐，我未試過比人改花名都改得咁開心架，我其實好中意布甸仔呢個名。」

miki本身乾左嘅淚痕，又再次比眼淚沾濕

「多謝你肯陪我食生日蛋糕，幫我點蠟燭呀。」miki撞紅左嘅額頭，枕左喺我肩搏上面

「呢個星期你日日黎陪我玩，我真係好開心架。你知我無朋友架啦。」





我伸出手，放喺miki頭上面

「真係好多謝你。」