[有沙入眼]是咁的，我嘅職業係幫想自殺嘅人寫遺書: 198.小強精神

本來我仲想講句，阿誠自殺嗰陣又唔見你喊

不過都係算，miki某啲感覺都幾敏感，應該已經自己體會得到，點解一單無感覺，一單就喊到豬頭咁

當然，明白唔投放太多感情就唔會傷心嘅道理，唔代表佢日後就好似我咁完全抽離

只不過係，佢要知，陷得愈深，愈傷心

知左都仲踩入去，就算傷心，都心甘命抵





雖然，佢應該都唔敢再黎旁聽

然後我就發現，miki呢個女人嘅精神就好似小強咁，好頑強

「喂hi～係咪翻bu呢？」佢果然又出現翻

「你個腦係咪有問題？」

miki竟然仲問我有無新客人





係咪真係有啲人，見過鬼都唔怕黑？

「你又想喊到變豬頭？」

miki古古惑惑咁笑：「有得乘機抽下你水丫嘛，你個搏頭咁好訓。」

「講真話。」

紅燈，停車





「就算會傷心都好，我都想繼續睇。」

「繼續睇，都未必搵倒答案。」

miki笑一笑，令下個頭：「就算無答案都好，我仍然想見證佢地嘅故事。」

嘿

我嘴角微微上揚，喺袋拎左樣野比miki