[有沙入眼]是咁的，我嘅職業係幫想自殺嘅人寫遺書: 212.拜你親生媽咪

「喂，hi～去鬼左邊呀？我趕完稿喇！」miki又喺我屋企樓下等我，我知你趕完稿

「去搵財神拎利是。」

「財神清明節都開工架咩？有無幫我拎埋？」miki落車，又好似雞仔咁想跟我上樓

我轉身，攬住左佢：「今日，比我自己一個。」

潛台詞係你咪撚煩住我





「哦。點解你個身咁臭嘅？食煙黎？」

我推開佢，就自己上樓

「我知喇！你去拜山！」

仆街，走唔甩

出乎意料地，miki無纏住我





人就係咁犯賤，見佢真係想上翻車，我反而好奇點解佢會無興趣

「我都唔知拜黎做乜。」

佢完全理解唔倒拜山嘅意義係咩，就正如小朋友唔明黃家衛嘅電影有乜意思一樣

miki佢根本唔會拜自己父母

「你係咪連自己親生媽咪都無拜過？」





「無喎。」

「你知唔知地址？」

「知嘅⋯⋯咦？你做咩又上車？」

「我地去拜下你媽咪，親生嗰個。」