[有沙入眼]是咁的，我嘅職業係幫想自殺嘅人寫遺書: 259.情人節陪邊個？
暑假完左，我亦正式成為大學生
金弦停左學，改為去特殊學校上堂
靜思繼續翻工，久唔久上黎幫我照顧金弦
阿文就每個星期準時探我地兩個，做輔導
就算變成咁樣，生活仍然要過
只係，我愈黎愈討厭出街
應該話，一開始係純粹唔想同金弦出街，因為街上路人厭惡嘅目光成日令我一肚火
但係一肚火又點？鬧哂全部人？打哂全部人？
後來，因為我單獨出街嘅時候，金弦會喊住叫我唔好唔要佢，好似幼稚園小朋友第一日翻學咁，於是連閒街我都愈黎愈少出
「咁你情人節陪唔陪我？」靜思問