[有沙入眼]是咁的，我嘅職業係幫想自殺嘅人寫遺書: 260.歧視

除左上堂，我都好少出街，自然亦少左同靜思拍拖

就算出，好多時都要帶住金弦一齊出去，二人世界嘅時間真係好難得先有一日

於是，靜思好多時就被逼陪我一齊承受外人嘅白眼

「肥姐⋯食⋯肥姐！」我地帶左金弦去旺角，因為佢話要食肥姐

人來人往嘅旺角





人來人往嘅眼

我無答靜思

「你聖誕節已經陪左金弦啦⋯⋯公平啲，情人節陪我得唔得？」

金弦好似感覺倒靜思語氣重左，又喊

成條排肥姐嘅人龍即刻望過黎





「屌，有病就咪撚帶出街啦。」前面個師奶講完，金弦喊得仲西利