[有沙入眼]是咁的，我嘅職業係幫想自殺嘅人寫遺書: 277.家姐

「咪住！金弦係你⋯⋯家姐？」miki好似而家先知

「係。」

「唔係你個妹咩？」

「唔係。我地兩個差一年，所以由細到大都好少用屋企個排位叫對方。」不過金弦會叫我做金仔，但係我唔會叫佢做金女

「唔係喎，你話佢同你老豆講下年入大學去韓國嘅？」





「佢讀asso，成績好，準備下年畢業駁翻上大學。」miki聽完，有啲錯愕

「即係本來應該照顧你嘅家姐，嗰兩年一直比你照顧翻轉頭？」

我點點頭，拎左喺禮物盒入面，金弦嘅遺書出黎比miki

佢有啲唔好意思睇，我向佢點點頭：「睇完你就明，家姐嘅身體到底發生咩事，同點解自殺。」

miki嗯左一聲，就開始睇封遺書